English | عربي



مەسروور بارزانی: لە خزمەتکردنی خوشک و برایانی رۆژئاوامان درێغی ناکەین

2019/11/09 | 13:24

هەواڵی کوردستان -

بەردەڕەش-KDP.info- مەسروور بارزانی، سەرۆکی حکوومەتی هەرێمی کوردستان، سەردانی کامپی بەردەڕەشی کرد کە بووەتە لانەی ئاوارەکانی رۆژئاوای کوردستان و لە نزیکەوە لە کێشەو و پێداویستییەکانیانی کۆڵیەوە.

مەسروور بارزانی لە میانی سەردانکردن و بەسەرکردنەوەی کەمپی بەردەڕەش رایگەیاند: "دەستخۆشی لە هەمووان دەکەم کە پێشوازیتان لە خوشک و برایانمان لە رۆژئاوای کوردستان کردووە".

راشیگەیاند، یەک ملیۆن و 500 هەزار ئاوارە ئێستا لە هەموو پارێزگاکانی کوردستانن کە ئەمە ئەرکێکی زۆری خستووەتە سەر حکوومەتی هەرێمی کوردستان و ساڵانە یەک ملیار و 500 ملیۆن  دۆلار خەرجی بەڕێوەبردنی ئەم کامپانانەن.

مەسروور بارزانی گووتی: "هاوکاری کردنی ئەم پەنابەرانە ئەرکێکی نێودەوڵەتییە و داوا لە رێکخراوە نێودەوڵەتییەکان و هاوپەیمانانمان دەکەین هاوکاریی حکوومەتی هەرێمی کوردستان لە بەڕێوەبردنی ئەم کامپانە بکەن".

سەرۆکی حکوومەت داوای لە بەڕێوەبەرانی کەمپەکە کرد: "تاوەکو ئەو کاتەی ئەم پەنابەرانە کێشەکانیان چارەسەر دەبن و دەچنەوە سەر ماڵ و حاڵی خۆیان، ئێمە پێشوازیان لێدەکەین و داوا دەکەم لە خزمەتکردنیان کەمتەرخەمیی نەکەن".

ئاماژەی بەوەشکرد، لەسەر ئاستی سیاسیش، حکوومەتی هەرێمی کوردستان لە هەوڵەکانی بەردەوام دەبێت تاوەکو کێشە سیاسییەکانی رۆژئاوای کوردستان چارەسەر ببن.









زۆرترین بینراو


هەواڵی سەرەکی

⋙ ڕێ و ڕەسمی دەستبەکار بوونی یانزەھەمین خولی مەجلیسی شورای ئیسلامیی ئێران

⋙ دەستبەکار بوونی یانزەھەمین خولی مەجلیسی شورای ئیسلامیی ئێران

⋙ هێرش کرایە سەر کاروانی هێزەکانی ئەمریکا لە کوردستانی سووریا

⋙ خولی نوێی مەجلیسی ئێران دەستی بەکار کرد

⋙ ڕێبەری ئێران: مەجلیس دەبێ گرینگی بە بژێوی ژیانی هەژاران بدات

ڤیدیۆ هەواڵ
⋙ بەڤیدیۆ؛ لە بەغدا ژنێک هەڕەشە لە هێزە ئەمنییەکان دەکات

⋙ ڤیدیۆی چالاکییەکەی کانی ماسی لە دژی میت بڵاوکرایەوە


زۆرترین بینراو