English | عربي



فەرەنسا دەیەوێت رێككەوتننامەیەك لەگەڵ هەرێمی كوردستاندا واژۆ بكات

2019/11/09 | 11:36

هەواڵی کوردستان -

پاریس-KDP.info- نوێنەری حكوومەتی هەرێمی كوردستان لە فەڕەنسا ڕایدەگەیەنێت، گەورەترین هەرێمی فەڕەنسا دەیەوێت رێككەوتننامەیەكی هاوكاری و دۆستایەتی لەگەڵ هەرێمی كوردستاندا واژۆ بكات و، بەم زووانەش شاندێكیان سەردانی كوردستان دەكات.

د.

عەلی دۆڵەمەڕی، بە ماڵپەڕی فەرمیی پارتی دیموكراتی كوردستانی ڕاگەیاند: "وەكو نوێنەری حكوومەتی هەرێم و بە ئامادەبوونی ئەندامانی ئەنجوومەنی هەرێمەكان، كە پێك هاتوون لە سەرۆكی گرووپە سیاسییەكان‌، لەگەڵ سەرۆكی هەرێمی ئیل دو فرانس، كە گەورەترین هەرێمە لە وڵاتی فەڕەنسا، بەڕێز (ڤالێری پێكرێس) كۆبووینەوە‌‌" .

دۆڵەمەڕی ڕاشیگەیاند: "لەو كۆبوونەوەیەدا سەرۆكی هەرێمی ئیل دو فرانس، هاوكاری و یارمەتیدانی خۆیانی دووپات كردەوە بۆ گەلی كورد، بۆ ئەم مەبەستەش پڕۆژەیەكی هاوبەش لە نێوان هەردوو هەرێم خرایە ڕوو و لە ئایندەیەكی نزیكیشدا بڕیارە شاندێكیان سەردانی هەرێمی كوردستان بكات" .

نوێنەری حكوومەتی هەرێم لە فەڕەنسا گوتیشی: "هەرێمی ئیل دو فرانس دەیانەوێت رێككەوتننامەیەكی هاوكاری و دۆستایەتی لەگەڵ هەرێمی كوردستان واژۆ بكەن بۆ هاوكاریكردنی هەرێمی كوردستان، هەر‌وەها دەخوازن هاوكاری ئاوارەكان و هەردوو قوتابخانەی فەڕەنسی و كۆلیژی زمان بن بە دابینكردنی كتێب، جگە لەوە چەند پڕۆژەیەكی تریشیان لە بەردەستە بۆ حكوومەتی هەرێم كە حكوومەت پێویستی پێی هەبێت".

ھەرێمی ئێل دو فرانس (Île-de-France )، كە دەكەوێتە باكووری ناوەڕاستی وڵاتی فەڕەنسا، لە ھەشت پارێزگا و ٢٥ قەزا و ١٥٥ ناحیە و ١٢٧٦ گوند پێك دێت و، ژمارەی دانیشتووانەكەیشی 12 ملیۆن كەسە.

نەشوان بەرزنجی









زۆرترین بینراو


هەواڵی سەرەکی

⋙ بزووتنه‌وه‌ى به‌شائر سه‌ركۆنه‌ى تیرۆركردنى هاشمى ده‌كات وداوا له‌حكومه‌ت ده‌كات به‌ره‌نگاربوونه‌وه‌ى تاوانبار بكات

⋙ په‌روه‌رده‌ ده‌نگۆى ڕاگرتن ده‌وام بۆ ماوه‌ى دووهه‌فته‌ به‌هۆى بوونى توشبووان به‌كۆرۆنا ڕه‌تكرده‌وه‌

⋙ مالیكى : تیرۆركردنى هاشمى هه‌وڵى په‌له‌كێشكردنى عێراقه‌ به‌ره‌و پشێوى وكووشتن

⋙ سەرۆک کۆماری عێراق، لەسەر تیرۆرکرانی «هیشام هاشمی» پەیامێکی بڵاوکردەوە

⋙ سەرۆک وەزیرانی عێراق کوشتنی «هیشام ئەلهاشمی» ئیدانە دەکات

ڤیدیۆ هەواڵ
⋙ بە ڤیدیۆ.. لە لوبنان هێرش كرایە سەر شاندی عێراقی

⋙ بەڤیدیۆ.. ژن و پیاوێکی سپیپێست بەزەبری چەک خۆپیشانەرە رەشپێستەکان دووردەخەنەوە


زۆرترین بینراو