English | عربي



رۆیتەرز: لیرەی توركی بەرامبەر بە دۆلار دابەزینێكی پێوانەیی تۆمار دەكات

2019/11/09 | 11:00

هەواڵی کوردستان -

ئاژانسی (رۆیتەرز) لە راپرسییەكدا كە لەگەڵ ٢٠ دامەزراوەی ئابووری ئەمریكا ئەنجامی داوە، هەموو دامەزراوەكان پێشبینییان كردوە لە ٢٠٢٠دا لیرەی توركی بەرامبەر بە دۆلار دابەزینێكی بێوێنە بە خۆیەوە دەبینێت.

بە گوێرەی ئەو راپرسییە بێت كە رۆیتەرز ئەنجامی داوە، دوای مانگێكی‌تر ١٠٠ دۆلاری ئەمریكی دەگاتە ٥٨٠ لیرە، ئەمەش لە كاتێكدایە ئێستا بە ٥٧٤ لیرەیە.

 هەروەها پیشبینی كردوە دوای ٣ مانگی‌تر ١٠٠ دۆلاری ئەمریكی بگاتە ٦٠٠ لیرە و دوای ٦ مانگی‌تریش بگاتە ٦٢٣ لیرە و دوای ١٢ مانگی‌تر واتە ساڵێكی‌تر و لە كۆتایی ٢٠٢٠دا ١٠٠ دۆلاری ئەمریكی دەگاتە ٦٤١ لیرەی توركی.

ئەگەر بێت و پیشبینییەكەی ئاژانسی (رۆیتەرز) راست بێت، واتە لە ماوەی یەك ساڵدا لیرەی توركی ٨٪ بەهای خۆی لەدەست دەدات.

لە لایەكی ترەوە، رۆژنامەی (جومهوریەت)ی توركی بڵاوی كردووەتەوە، بەهۆی ئاڵوگۆڕی دۆلاری ئەمریكی بە لیرەی توركی و بەهۆی ئەو دابەزین و بەرزبوونەوەی دۆلار لە ماوەی ساڵێكدا، بانكە حكوومییەكانی توركیا ١٢ ملیار لیرەیان زەرەر كردووە، لە بەرامبەردا بانكە ئەهلییەكان ١٢ ملیار لیرەیان قازانج كردووە.

ماڵپەڕی (CNN)ی توركی، مانگێك بەرلە ئێستا لە شرۆڤەیەكدا ئاشكرای كردبوو، كە لە كۆتایی ٢٠١٩دا ١٠٠ دۆلاری ئەمریكی دەگاتە ٦٠٠ لیرە، ئەگەرچی ٣ هەفتە بەرلە ئێستا لەو ژمارەیە نزیك بووەوە، بەڵام دوای ئەوەی ئەمریكا سزاكانی سەر توركیای هەڵگرت، لیرەی توركی بەهاكەی بەرز بووەوە و ئێستا بە ٥٧٥ مامەڵەی پێوە دەكرێت.









زۆرترین بینراو


هەواڵی سەرەکی

⋙ باڵوێزی ئێران لە ڤەنزۆئیلا: بایکۆتەکانی یەکلایەنەی ئەمریکا تینی جارانی نەماوە

⋙ بریندار بوونی سێ لەشکریی تیرۆریستی ئەمریکی لە ڕۆژھەڵاتی سووریا

⋙ کوژرانی چوار داعشی لە باشووری بەغدا

⋙ ئەمریکا زیندانی نوێ لە ناوچەی ژێر کۆنترۆڵی کوردی سووریا دەکاتەوە

⋙ ڕەخساندنی 9000 هەلی کار بۆ کۆڵبەرانی ناوچە کوردنشینەکانی ئێران

ڤیدیۆ هەواڵ
⋙ بەڤیدیۆ؛ لە بەغدا ژنێک هەڕەشە لە هێزە ئەمنییەکان دەکات

⋙ ڤیدیۆی چالاکییەکەی کانی ماسی لە دژی میت بڵاوکرایەوە


زۆرترین بینراو