English | عربي



فەرماندەیەکی پێشمەرگە: جموجۆڵى چەکدارانى داعش لە سنوورى مەخموور کەمیکردووە

2019/10/13 | 01:00

هەواڵی کوردستان -

فەرماندەیەکى پێشمەرگە لە سنوورى مەخموور ئاشکرایکرد ماوەى چەند رۆژێکە جموجۆڵى چەکدارانى رێکخراوى تیرۆریستى داعش لە سنوورى مەخموور کەمیکردووە و ژمارەیەک چەکداریشیان گواستووەتەوە دەروروبەرى شەرگات.

 

لیوا زریان شێخ وەسانى فەرماندەى پێشمەرگە لەمیحوەرى گوێڕ مەخموور بە(باسنیوز)ى راگەیاند: " دواى بۆردوومانکردنیان لەلایەن هاوپەیمانانەوە چەکدارانى رێکخراوى تیرۆریستى داعش جموجۆڵیان کەمبووەتەوە لە سنووى مەخموور و زۆر بە کەمى و تەنیا بەشێوەى مەفرەزەى بچووک بچووکى پارتیزانى بەدى دەکرێن، چەند رۆژێکیشە ژمارەى چەکدارانیان بەتەواوى کەمیکردووە و زۆر بەدەگمەن دەبینرێن".

 

راشیگەیاند: " بەپێى زانیارییەکان رێکخراوى تیرۆریستى داعش ژمارەیەکى زۆرى چەکدارى لە دەروروبەرى مەخموور و چیاى قەرەچووغ پاشەکشە پێکردووە بۆ سنوورى عەلوات و شارۆچکەى شەرگات، بۆیە ژمارەیان لەو سنوورە زۆر کەمیکردووە و ئەوەشى کەهەیە هیچ جموجۆڵ و چالاکییەکیان نەماوە".

 

لەبارەى هۆکارى گواستنەوەى چەکدارانى داعش بۆ شارۆچکەى شەرگات ئەو فەرماندەیەى پێشمەرگە ئاماژەى بەئەوە کرد" بەدروستى نازانرێت هۆکارەکەى چییە بەڵام تاکتیکى داعش وایە لەهەندێ شوێن خۆى لاواز نیشان دەدات و جموجۆڵەکانى دەوەستێنێت و لەهەندێک جێگاى دیکە دەست بەجموجۆڵ دەکاتەوە، تا دەرفەتێک بدۆزێتەوە و چالاکى تیرۆریستى ئەنجام بدات چالاکییەکانیش لەرێگەى مەفرەزرەى بچوکى پارتیزانى چەن کەسییەوە ئەنجام دەدات".









زۆرترین بینراو


هەواڵی سەرەکی

⋙ وەزارەتا ساخلەمیا عیراقێ ئامارێن نوو یێن کۆرۆنایێ بەلاڤکرن

⋙ سەلاحەدین: سێ چەکدارێن داعشێ هاتنە کوشتن

⋙ چاودێرێکی سیاسی: رووداوەکانی ناوچەکە تەواوکری یەکترن

⋙ بۆ کورد پێداگرە لەسەر گۆڕینی یاسای هەڵبژاردن؟

⋙ گرنگی دەزگایێوە میدیایی پەی زوانو هۆرامی

ڤیدیۆ هەواڵ
⋙ ڤیدیۆ.. ساتى تەقینەوەكەی ئەمڕۆی بەیرووت

⋙ بەڤیدیۆ... ساتی بەئامانجکردنی چوار چەکدار لەلایەن ئیسرائیل


زۆرترین بینراو