English | عربي



لە مووسڵ هێرشکرایە سەر کاروانی ئۆتۆمبێلەکانی جێگری پارێزگاری مووسڵ و پەرلەمانتارێکی پارتی

2019/09/11 | 23:00

هەواڵی کوردستان - هێزێکی سەر بە حەشدی شەعبی و سوپای عێراق لە بازگەیەک ڕێگرییان لێکردوون

ئێوارەی ئەمڕۆ لە بازگەیەکی شاری مووسڵ دەیان چەکداری لیوای 30 حەشدی شەعبی کە وەعد قەدۆ سەرپەرشتی دەکات بە هاوکاری هێزێکی سوپای عێراق هێرش کرایە سەر جێگری پارێزگای مووسڵ و پەرلەمانتارێکی کورد کە هەردووکیان لە پشکی پارتی دیموکراتی کوردستانن.

 

شێروان دووبەردانی پەرلەمانتاری عێراق لە فراکسیۆنی پارتی دیموکراتی کوردستان بە (باسنیوز)ی ڕاگەیاند: "ئێوارەی ئەمڕۆ لە بازگەی ناوچەی گۆگجەلی لە مووسڵ لەلایەن چەکدارانی حەشدی شەعبییەوە هێرش کرایە سەر کاروانی ئۆتۆمبێلەکانی من و سیروان رۆژبەیانی جێگری پارێزگاری مووسڵ و ئەمە لە کاتێکدا پێشتر پێیان گوترابوو کە ئێمە بەو بازگەیە تێپەڕدەبین ، بەڵام پلانی هێرشکردنە سەر ئێمە دارێژراو بوو".

 

ئاماژەی بۆ ئەوەش کرد کە نزیکەی ١٥٠ چەکداری حەشدی شەعبی هێرشیان کردوونەتە سەر و سووکایەتییان بە پاسەوانەکانی جێگری پارێزگای مووسڵ و پەرلەمانتارە کوردەکە کردووە.

 

لەلایەن خۆیەوە سیروان رۆژبەیانی بە (کوردستان24) ی رایگەیاند: "لەکاتی گەڕانەوەمان لە دەوامی رۆژانە بە چەندین بازگە بێ کێشە تێپەڕ دەبین، بەڵام لە بازگەی پێش کۆتایی چەکدارانی حەشدی شەعبی سەر بە وەعد قەدۆ و سوپای عێراق رێگریان لە دوایین ئۆتۆمبێلی ئێمە کرد و ویستیان چەند پاسەوانێکمان دەستگیر بکەن، بۆ ئەمەش تەقە لە کاروانی ئۆتۆمبێلەکانمان کرا".

 

رۆژبەیانی ئاماژەی به‌ ئەوەش کرد کە بە هۆی هاووڵاتی سڤیل لە بازگەکە فەرمانی بە پاسەوانەکانی کردووە کە تەقە نەکەن، بەڵام حەشدی شەعبی بەردەوام بووە لە تەقەکردن و دوای بەهاناوەهاتنی پێشمەرگە دەربازیان بوووە، بەڵام چوار پێشمەرگە کە پاسەوانی ئەوان بوونە دەستگیرکراون و رووبەرووی ئەشکەنجە و سووکایەتی بوونەتەوە، دوای هەوڵدانێكى زۆر و هەڕەشەی هەڵوێست وەرگرتن ئازاد کراون.









زۆرترین بینراو


هەواڵی سەرەکی

⋙ عێراق دەتوانێت سەروەری خۆی بپارێزێت؟

⋙ ئەمریکا هاوپەیمانانی حزبوڵڵا سزا دەدات

⋙ پەیامنێرێکی تەلەفیزیۆنی گەلی کوردستان لە رانیە گیانی لەدەستدا

⋙ ئیداره‌ی خۆسه‌ر یاسای دەست بەسەرداگرتنی موڵك و ماڵی كۆچكردووانی راگرت

⋙ سەرۆک کۆماری سووریا: بایکۆتەکانی ئەمریکا داکۆکی لە تیرۆریستانە

ڤیدیۆ هەواڵ
⋙ توركیا به‌ بێباكى ڤیدیۆى هێرشه‌كه‌ى دوێنێ بڵاو ده‌كاته‌وه‌

⋙ ڤیدیۆ.. ساتى تەقینەوەكەی ئەمڕۆی بەیرووت


زۆرترین بینراو