English | عربي



بە مەبەستی رێگریكردن لە مەترسیەكی گەورە ئاسایشی توركیا لە ئامادەباشیدایە

2019/05/17 | 19:18

هەواڵی کوردستان -

خەندان-وەزیری ناوخۆی توركیا رایگەیاند، هەفتەی رابردو هێزەكانی ئاسایشی وڵاتەكی بە مەبەستی دورخستنەوەی مەترسیەكی گەورە لە ئامادەباشیەكی بەردەوامدابون.ئەمڕۆ هەینی سولەیمان سۆیڵو، وەزیری ناوخۆی توركیا لەمیانی لێدوانێكدا رایگەیاند، "بە مەبەستی رێگریكردن لە رودانی مەترسیەكی گەورە لە وڵاتەكەدا، هێزەكانی ئاسایش لەماوەی هەفتەی رابردودا لە ئامادەباشیەكی بەردەوامدا بون"، بەڵام لەبارەی وردەكاری ئەو مەترسیەوە هیچ زانیاریەكی نەخستە رو.دوای تێپەڕبونی سێ رۆژ بەسەر ئەو هێرشەدا كە لە باڵەخانەی پەرلەمانی توركیا رویدا، سۆیڵو سوپاسی كارمەندانی ئاسایشی كرد و ئاماژەی بەوەكرد "لەماوەی 10 رۆژی كار و چالاكیەكانی هێزەكانی ئاسایشی وڵاتەكەدا رێگریان لە چەند مەترسیەكی دیكە كردوە"، راشیگەیاند ناتوانێت لەبارەی ئەو مەترسیەوە هیچ بدركێنێت تەنها دەتوانێت بڵێت "مەترسیەكە پەیەوەندی بە توركیاوە هەیە".پێشتریش لەمیانی دیدارێكی تەلەفزیۆنیدا، سولەیمان سۆیڵو باسی لە هێرشێكی شكستخواردو كرد، كە سێشەممەی رابردو 14ی ئایار لە باڵەخانەی پەرلەمانی توركیا رویدا و وتی  "لەمیانی ئەو هێرشەدا دو گومانلێكراو، پیاوێك و ژنێك كە ئەندامی پارتی چەپڕەوی ئازادیخوازی گەل بون دەستبەسەركراون".بەپێی زانیاریەكان، پێش ئەوەی ئەو دو كەسە گەمارۆ بدرێن، هەوڵیانداوە ئەفسەرێكی ئاسایش لەناو باڵەخانەی پەرلەمانی توركیا بە بارمتە بگرن، بەڵام دواتر لە لایەن هێزەكانی ئاسایشەوە گەمارۆدراون و هەردوكیان دەستبەسەركراون.سۆیڵو لەوبارەیەوە رایگەیاند "گروپە تیرۆریستیەكانی توركیا بەو جۆرە هێرشانە پشتگیریەكانیان زیاتر دەكەن"، لە كۆتایی وتەكانیشیدا رایگەیاند "لەماوەی چەند رۆژی رابردودا هێزەكانیان لە سەرتاسەری وڵات لە ئامادەباشیدا بون و بێ ئەوەی كەس هەستی پێبكات دەیان هێرشیان پوچەڵ كردوەتەوە".









زۆرترین بینراو


هەواڵی سەرەکی

⋙ هێزه‌ هاوبه‌شه‌كان:ئۆپراسیۆنه‌كانى پاڵه‌وانانى عێراق به‌رده‌وامه‌ تا به‌جێ گه‌یاندنى ئامانجه‌كانى

⋙ وه‌زیرى ده‌ره‌وه‌ جه‌ختیكرده‌وه‌ له‌گرنگى به‌رده‌وامیدان به‌په‌یوه‌ندى له‌گه‌ڵ تیمى لێكۆڵینه‌وه‌ى تاوانه‌كانى داعش

⋙ وته‌بێژى فه‌رمانده‌ى گشتى: هێزه‌ ئه‌منییه‌كان چه‌ك وگولـله‌ى زیندوو دژى خۆپیشانده‌رانى به‌كارنه‌هێناوه‌

⋙ فەرمانی ده‌ستگیركردنی سۆران عومه‌ر دەرچوو

⋙ سەرۆك شارەوانییەك دەستی لەكاركێشایەوە

ڤیدیۆ هەواڵ
⋙ بەڤیدیۆ.. لە عێراق هێرش كرایە سەر كاروانی بارهەڵگرانی ئەمەریكا

⋙ وێنە و ڤیدیۆ... کارەسات لە ژاپۆن بەهۆی لافاو و رۆچوونی زەوی


زۆرترین بینراو