English | عربي



لە عێراق یەكەم هەلیكۆپتەری تاكسی كەوتەكار

2018/03/14 | 23:00

هەواڵی کوردستان - پێشتر لە هەولێر كۆمپانیایەك شەش هەلیكۆپتەری تاكسی خستبووەكار

كۆمپانیایەكی كەرتی تایبەت لە عێراق بۆ یەكەم جار خزمەتگوزاری هەلیكۆپتەری تاكسی راگەیاند، بۆ ئەوەی لە نێوان شارەكانی عێراق و هەرێمی كوردستانیش گەشتیار بگوازێتەوە.

پێشتریش لە هەرێمی كوردستان كۆمپانیایەك شەش هەلیكۆپتەری وەك تاكسی خستبووەكار.

كۆمپانیاكەی عێراق رایگەیاندووە كە خزمەتگوزارییەكانیان بە پلەی یەكەم بۆ سەرمایەداران و كارمەندانی كۆمپانیاكانی نەوت و خزمەتگوزاری پزیشكی فریاكەوتنە.

كۆمپانیای "ئەلبورهان" بۆ فڕۆكەوانی، كە نووسینگەی لە لەندەن و دوبەی و عێراق هەیە، خۆیان بە یەكەم كۆمپانیا ناوزەد كردووە كە لە عێراقدا خزمەتگوزاری تاكسی فڕۆكەوانی پێشكەش دەكەن.

كۆمپانیاكە دوو هەلیكۆپتەری ئیتاڵی هەیە و لە فڕۆكەخانەی بەغدا داندراون، هەریەكێكیان توانای هەڵگرتنی هەشت گەشتیاری هەیە.

حوسام مەحبوبە بەڕێوەبەری ئیدارەی كۆمپانیاكە رایگەیاندووە كە ئێستە تەنها ئەوان لە عێراقدا ڕێگەپێدراون فڕۆكەی تاكسییان هەبێت.

كاری سەرەكی ئەوانیش لە ئێستەدا گواستنەوەی سەرمایەداران و میوانانی گرنگە لە فڕۆكەخانەی بەغداوە بۆ هۆتێل رەشید لە ناوی شاری بەغدا.

پێشتریش، بەر لەوەی حەیدەر عەبادی سەرۆك وەزیرانی عێراق، فڕۆكەخانەكانی هەرێمی كوردستان دابخات، كۆمپانیایەك لە هەولێر بۆ یەكەم جار شەش هەلیكۆپتەری تاكسی خستبووەكار.









زۆرترین بینراو


هەواڵی سەرەکی

⋙ تره‌مپ: هه‌وڵه‌كانمان بۆ لەناوبردنی ھەڕەشەکانی تیرۆر بەردەوام دەبن

⋙ پۆمپێیۆ هۆشداری له‌ گه‌شتكردن بۆ سعوودیه‌ ده‌دات

⋙ زه‌ریف بۆ پۆمپیۆ: فارسه‌كان بوون یه‌هودیان له‌ كۆمه‌ڵكوژى رزگاركرد

⋙ عێراق و سعودیە رێککەوتنێک واژۆ دەکەن

⋙ یەکەم سەردانی دەرەکی سەرۆکوەزیرانی عێراق

ڤیدیۆ هەواڵ
⋙   ب ڤیدیۆ .. نەورۆزێ دەلیڤێن کاری بۆ هژمارەکا گەنجان پەیداکریە

⋙ ڤیدیۆ.. لەچالاکییەکی هەپەگەدا چوار سەربازی سوپای تورکیا لەباکوری کوردستان کوژران


زۆرترین بینراو