English | عربي



جبوورى بۆ مه‌عسووم: مافى ڤیتۆكردنت نییه‌ و پرۆژه‌ یاسای بودجه‌ بوو به‌ یاسا

2018/03/14 | 18:40

هەواڵی کوردستان - "ده‌بێت له‌ ڕۆژنامه‌ى فه‌رمى بڵاو بكرێته‌وه‌"

سه‌رۆكى په‌رله‌مانى عێراق، پرۆسى یاسای بودجه‌ى گشتیی عێراق بۆ ساڵى 2018، یه‌كلایی ده‌كاته‌وه‌ و ڕای ده‌گه‌یه‌نێت، بودجه‌ بوو به‌ یاسا و جارێكى تر له‌ دانیشتنه‌كاندا ناخرێته‌ڕوو.سه‌لیم جبوورى، سه‌رۆكى ئه‌نجومه‌نى نوێنه‌رانى عێراق، له‌ ڕاگه‌یاندراوێكدا، كه‌ ئه‌مڕۆ چوارشه‌ممه‌ 14/ 3/ 2018 بڵاویكردووه‌ته‌وه‌، ڕای گه‌یاند: "پرۆژه‌یاسای بودجه‌ى گشتیی عێراق بۆ ساڵى 2018، بوو به‌ یاسا و له‌ په‌رله‌ماندا ده‌نگی له‌سه‌ر درا، هه‌ر تێبینییه‌كیش له‌سه‌رى، ده‌كرێت له‌ناو یاساكه‌ بچه‌سپێندرێت، یان له‌ دادگاى فیدڕاڵى تانه‌ى لێبدرێت".ڕوونیشی كرده‌وه‌، كه‌ مافى (ڤیتۆ) له‌ ده‌ستوورى عێراقیدا نییه‌ و ناكرێت وه‌ك ڕه‌تكردنه‌وه‌ى یاساكان، پشتی پێببه‌سترێت، هه‌روه‌ها گوتی: "ئه‌نجومه‌نى نوێنه‌ران جارێكى تر یاساكه‌ له‌ دانیشتنه‌كانیدا ناخاته‌ڕوو بۆ ئه‌وه‌ى ده‌نگى له‌سه‌ر بدرێته‌وه‌، ئه‌وه‌ى ده‌نگی له‌سه‌ر دراوه‌ ده‌بێت ڕێكارى یاسایی و ئاسایی خۆى وه‌ربگرێت و له‌ ڕۆژنامه‌ى فه‌رمیدا بڵاو بكرێته‌وه‌".ڕۆژى سێ شەممە 13/ 3/ 2018 نوسینگەی راگەیاندنی سەرۆکایەتی کۆمار ئاشکرای کرد، كه‌ فوئاد مەعسووم، بڕیاری دا (پرۆژەی یاسای بودجوی گشتی فیدراڵی کۆماری عیراق بۆ ساڵی ٢٠١٨ی دارایی) بگەڕێنێتەوە کە لە رۆژی 3/ 3/ 2018 ئەنجومەنی نوێنەران دەنگی لەسەر دابوو.نوسینگەی راگەیاندن رونیکردۆتەوە بڕیارەکەی سەرۆک کۆمار بەئامانجی سەرلەنوێ وردبینی کردن و پیاداچوونەوەیە بە ناوەرۆکی یاساكه‌ لەرووی دەستوری و دارایی و یاساییه‌وه‌، ئاماژەشی کردووە کە نزیکەی 31 خاڵی یاساكه‌ لەگەڵ یاسا کارپێکراو و پەیڕەوکراوەکاندا ناكۆكه‌ و لەگەڵیاندا ناگونجێت.










زۆرترین بینراو


هەواڵی سەرەکی

⋙ ئەندامێکی خۆجێی سپای پاسداران لە شاری نەغەدە کوژرا

⋙ لەبارەی پێوەری ئاوی ماڵانەوە هۆشداری دەدرێت

⋙ پارتی و حکومەتی عێراق بۆ کشانەوەی هێزەکانی پێشمەرگە بۆ پێش هێڵی ٣٦ ڕێکدەکەون

⋙ "توركیا بەرەو ئایندەیەكی مەترسیدار هەنگاو دەنێت" موحەڕەم ئینجە: ئەنجامەكانی هەڵبژاردنی توركیا قبوڵ دەكەم

⋙ زیاتر لە 250 ئەندام و سەركردەی حزبەكانی رۆژئاوا، لە زیندانەكانی پەیەدەدان

ڤیدیۆ هەواڵ
⋙ ڤیدیۆ.. كتێبی "زیدان له‌ باوه‌شی مافیاوه‌ بۆ ریزی ئه‌فسانه‌كان" بڵاوكرایه‌وه‌

⋙ ڤیدیۆ؛ هاندەرە ئێرانییەکان خەویان لە رۆناڵدۆ حەرام کرد


زۆرترین بینراو