"نوێل لۆ گریت "ێ سه‌رۆكێ ئێكه‌تیا ته‌پا پێ یا فه‌ره‌نسا دووپات كرییه ، د نها دا نیازیان وه‌سا نینن "دیدیه دیشامپ "ێ راهێنه‌رێ نها ب "زه‌ینه‌دین زێدان "ێ وه‌ڵاتیێ خۆ بگۆهوریت .
پشتى وێ یه‌كێ زێدان ده‌ست ژ مه‌شقدانا یانه‌یا ریال مه‌درید ڤه‌كێشای ، ناڤێ ڤى راهێنه‌ری ب شێوه‌یه‌كێ زوور ب هێز ب مه‌شقدانا هه‌ڵبژارتیێ فه‌ره‌نسا گرێدایبوو .
لگورى چاڤپێكه‌فتنه‌كێ ژى كو ل رۆژنامه‌یا "لیكیپ " به‌لاڤكرییه، نوێل لۆ گریتى سه‌رۆكێ ئێكه‌تیا ته‌پا پێ یا فه‌ره‌نسا راگه‌هاند :" چ گوت و بێژه‌ك لسه‌ر ڤى بابه‌تی هه‌بوونا خۆ نینه ، زێدان ژ ریال مه‌درید چوو بێی وێ یه‌كێ چ پڕۆژه‌یه‌ك هه‌بیت ، دیدیه دیشامپى راهێنه‌رێ نها یێ فه‌ره‌نسا ژى دگه‌ل ئێگه‌تیا ته‌پا پێا فه‌ره‌نسا هه‌تا ساڵا 2022 دبیت " .
سه‌رۆكێ ئێكه‌تیا ته‌پا پێ یا فه‌ره‌نسا ستایشا زێدانێ راهێنه‌رێ به‌رێ یێ یانه‌یا ریال مه‌درید ژى كر ، لێ دووپات ژى كر كو پلان نینه بۆ وێ یه‌كێ ل ڤان نێزیكان ده‌ستبه‌ردارى دیشامپ ببن .