English | عربي



موقتەدا سەدر نامەیەك ئاڕاستەی سوننەكانی عێراق دەكات سەدر: با دوا بەڵێنی نێوانمان سوننە و شیعە براین، ئەم وڵاتە نافرۆشین، بێت

2018/10/13 | 23:57

هەواڵی کوردستان - خەندان- خۆشناو حسێنموقتەدا سەدر، سەرۆكی رەوتی سەدر رۆژی شەممە نامەیەكی ئاڕاستەی سوننەكانی عێراق كردو داوای لێكردن واز لە پشكپشكێنە و تایەفەگەری بهێنن و بەرژەوەندی گشتی وڵات بخەنە پێش بەرژەوەندی حیزبیەوە.موقتەدا سەدر لە تویتێكدا لە هەژماری تایبەتی خۆی لە تویتەر نوسیوویەتی، "ئەم نامەیەم بۆ سونەكانی عێراق و سیاسییەكانیانە".سەدر لە نامەكەیدا دەڵێت، "سوێندتان دەدەم بەو بەرخۆدانە شەریفانەی بەرامبەر بە داگیركەر كردمان، سوێندتان دەدەم بەو نوێژەی كە پێكەوە دەیكەین، سوێندتان دەدەم بەوەی هەر كەسێك ستەمكاری لە ئێوە بكات دەریان دەكەم، سوێندتان دەدەم بەو هەڵوێستەمان كە لە كاتە سەختەكاندا لەگەڵ ئێوە بووین، سوێندتان دەدەم بەو هەڵوێستە میانڕەوانەی كە لەگەڵتان بووین بە تایبەت لە موسڵ و ئەنبار و شوێنەكانی دیكە، سوێندتان دەدەم بەو خوێنەی كە لەگەڵ خوێنی ئێوە رشتمان لە پارێزگا داگیركراوەكانی ئێوە واز لە پشكپشكێنە و دابەشبون و تایفەگەری بهێنن".موقتەدا سەدر لەنامەكەیدا بۆ سوننەكان جەختی كردووەتەوە، كە بەرژەوەندی گشتی بخەنە پێش بەرژەوەندی حیزبی و "هەموو گەندەڵكاران و تایفەگەران دووربخنەوە وەكو ئەوەی من دوریان دەخەمەوە".سەدر نوسیوویەتی، "ئایا كاتی ئەوە نەهاتووە كەسانی خاوەن توانا و تەكنۆكرات هەڵبژێرین بۆ ئەوەی پێكەوە بە ئارامی بژین، دوور لە شمشێری خیانەت و رێككەوتنەكانی گەندەڵی".لە كۆتایی نامەكەیدا سەدەر دەڵێت، "با دوا بەڵێنی نێوانمان (سوننە و شیعە برایین، ئەم وڵاتە نافرۆشین) بێت".









زۆرترین بینراو


هەواڵی سەرەکی

⋙ گەشتەكانی بەرهەم ساڵح هەوڵێكە بۆ روونەدانی جەنگ لەناوچەكە

⋙ بەیەكێك لەسەركردە "مافیا"ییەكان ناو دەبرێت نەجمەدین كەریم لەبردنی ١٦٠ ملیۆن دۆلاری داهاتی نەوتی هەرێم تێوەگلاوە

⋙ پۆلیسی راپەڕین: دو ئافرەت سوتان و یه‌كێكیان گیانیله‌ده‌ستدا

⋙ پۆلیسی ڕاپەڕین: لە قەڵادزێ دوو ئافرەت سووتان

⋙ ترەمپ لە یەکەم لێدوانیدا لە یابان رێکلام بۆ چەکی وڵاتەکەی دەکات

ڤیدیۆ هەواڵ
⋙ بەڤیدیۆ.. لوقمان سەلیم کلیپێکی نوێ بڵاو دەکاتەوە

⋙ کورتە ڤیدیۆیەکی کلیپە نوێیەکەی سەفین بەرزنجی بڵاو دەکرێتەوە


زۆرترین بینراو