English | عربي



دەقی وتاری سەرۆك كۆماری عێراق لە ئاهەنگی یادی دامەزراندنی ئەنجومەنی باڵای ئیسلامی

2018/10/13 | 21:15

هەواڵی کوردستان - د.

بەرهەم ساڵح

خەندان-د.

بەرهەم ساڵح، سەرۆك كۆماری عێراق رایگەیاند، ناكرێت كێشەكانی ئێستا پێشتگوێبخرێن سەرەڕای شانازیی عێراقییەكان و بەڵام شایەنی ژیانی باشترن و دەبێت شێوازی حكومڕانی خۆمان بگۆڕین و بەرەو قۆناغێكی نوێ بڕۆین.لەوتارێكدا لە میانی مەراسیمی ساڵیادی دامەزراندنی ئەنجومەنی باڵای ئیسلامی عێراق د.

بەرهەم پیرۆزبایی خۆی ئاراستەی سەركردایەتی ئەنجومەنی باڵای ئیسلامی عێراق كرد، و ئاماژەیكرد بە رۆڵی شەھید محەمەد باقر حەكیم و ھاوخەباتەكانی دیكەی بۆ ڕووخاندنی ڕژێمی بەعسی دیكتاتۆریی لەوانەش مام جەلال و سەركردەكانی دیكە. سەبارەت بە ڕەوشی ئێستای عێراق، د.

بەرھەم ڕونیكردەوە ھەمووان مافی ئەوەیان ھەیە شانازی بە ڕابردووی خۆیان بكەن، بەڵام ناكرێت چاو لە پەنگخواردنەوەی مەترسیداری كێشەكانی بەردەم سیستمی سیاسییە بپۆشرێت یان لەبیربكرێت، و جەختیشیكردەوە كێشەكانی بەسرە پەیامێكی ئاشكرایە بۆ ئاستەنگەكانی سیستمی حوكمڕانی عێراق .وتاری سەرۆك كۆمار دكتۆر بەرهەم ساڵح لە ئاهەنگی یادی دامەزراندنی ئەنجومەنی باڵای ئیسلامییدائەمڕ‌ۆ شەممە ٢٠١٨/١٠/١٣ بەڕ‌ێز سەرۆك كۆمار دكتۆر بەرهەم ساڵح لە بەغداد لە رێوڕ‌ەسمی یادی دامەزراندنی ئەنجومەنی باڵای ئیسلامیی عێراق دا وتارێكی پێشكەش كرد، ئەمەش دەقی وتارەكەیە: "بە ناوی پەروەردگاری بەخشندە و میهرەبانەوەخوشكان و برایانی ئامادە بو سڵاوی خوداتان لێ بێت،بە خۆشحاڵیی و شانازییەوە لەم بۆنە شكۆیەدا بۆتان دەدوێم كە لەگەڵ یادكردنەوەی ساڵانەی لەدایكبونی ئەنجومەنی باڵای ئیسلامیدا بە نەوازشەوە سەركردایەتییە دامەزرێنەرەكەی بە بیر دێنینەوە كە خۆی دەبینێتەوە لە سەماحەتی شەهیدی میحراب ئایەتوڵا عوزما سەید محەمەد باقر حەكیم (خودا لێی خۆش بێت) و هەڵگری ئاڵای سەركردایەتیی ئەنجومەن و برا و هاورێبازەكەی عەبدولعەزیز حەكیم "عەزیزی عێراق" (خودا لێی خۆشبێت) و برایانی تر لە زانایان و سەركردایەتییەكەی كە لەسەر دەستی ئەوان ئەم رێكخراوە موجاهیدە و رێكخراوەكانی تر هاتنە مەیدان بۆ سەركەوتنی گەلەكەمان بەسەر زۆرداریی و رژێمی دیكتاتۆریی لەناوچو.لەگەڵتاندا یادی كۆچكردوی مەزن مام جەلال و هاوڕ‌ێان و هاوپەیمانەكانی ترتان لەم كاروانەدا بە بیر دێنینەوە كە "بەراستیی" نمونەیەكی درەوشاوەی بەرگریی و سوربون لەسەر هەق و سەركەوتنی چەوساوەیی و بەش خوراویی گەلەكەمان و تێپەڕ‌اندنی هەلومەرجی ئەو كاتەنە بون كە عێراقی تیادا بو.لەكاتێكدا كە گەرمترین پیرۆزبایی پێشكش‌ دەكەین بە برایان و خوشكان لە ئەنجومەن و سەركردایەتیی و جەماوەرەكەی، هەروەها ئەو قوربانیدانە گەورانەشیان بەرز دەنرخێنین كە سەركردایەتیی ئەنجومەنی باڵای ئیسلامیی و موجاهید و لایەنگرەكانی بە درێژایی ساڵانی خەبات دژی حوكمی داپڵۆسین و زۆرداریی دیكتاتۆر پێشكەشیان كردوە لە پێناوی ئامانجە نیشتمانییە بەهادارەكان.

بە چاوی شانازییشەوە دەڕ‌وانینە رۆڵی پێشەنگ و زیندوی ئەنجومەنی باڵای ئیسلامیی لە پرۆسەی بنیاتنانی سیستەمی دیموكراسیی فیدراڵیی لە دوای روخاندنی رژێمی خۆسەپێنەر و دیكتاتۆر.

سەرباری بەشداریی بەرچاوی لە بەرز كردنەوەی ورە و تواناكانی گەلەكەمان بۆ تێكشكاندنی چەتەكانی داعشی تێرۆریست و پاككردنەوەی وڵاتمان لە تاوان و پیسییان .

ئەو كاروانی خەباتە رۆشنە و قوربانیدانە بەرچاوەكانی ئەنجومەنی باڵا شانبەشانی هێزە عێراقییە نیشتمانییەكانی تر، پەی بردنێكی راستەقینە بو بۆ پێویستی هەنگاونانی شێلگیرانە لە پێناوی بەدیهێنانی خواستەكانی گەلەكەمان لە ئاسایش و پێشكەوتن و تاوسەندندا.

چەندە كۆسپ و ئاستەنگە بە میرات بەجێماوەكان و هەنوكەییە كان لە ئارادا بوبن، چەندە پرۆسەی سیاسیی روبەڕ‌وی ئاڵنگاریی و هەندێك جاریش ململانێی توندیش بوبێتەوە نەبونەتە كۆسپ لە رێی پێشكەوتنی فیعلیی بۆ چەسپاندنی پایەكانی دەوڵەتی نوێی عێراق.

بریان و خوشكانم لە ئەنجومەن، بۆتان هەیە شانازی بكەن بەوەی بەدەستان هێناوەو پێشەكەشتان كردوە بۆ وڵات لەمیانەی ئەو كاروانە دورودرێژەدا.

هەروەك هێزە سیاسییە نیشتمانییەكانی تریش شانازیی بكەن بەوەی پێشەكەش یان كردوە بە گەل لە پێناوی بنیاتنانی دەوڵەتی نوێ و بەرەنگا ربونەوەی سەركوتكردن، ئێمەش شانازی دەكەین بەو دەستكەوتانەی لە قۆناغەكانی پێشودا بەدەستهاتون (بەڵام وەك شێخ هەمام حەمودی فەرمویان) (لەگەڵ شانازیی زۆردا) نابێت ئەو ئاسەوارە مەترسیدار و خراپانە فەرامۆش بكەین یا لە بیر بكەین كە سیستمی حوكم پێوەی دەناڵێنێت، ئەوەی بەسرە، كە خەڵكی بەسرە گیرۆدەی بون ناونیشانێكی ئاشكرای ئەو هەڕ‌ەشانەیە كە روبەڕ‌ومان دەبێتەوە.

نابێت سەركردەكانی ئەم وڵاتە هەر شانازییی بكەن بەوەی كە لە رابردودا بەدەستیان هێناوە و هەر شانازیی بكەین بە قوربانیدانەكانمان و ئەوەی پێشكەشمان كردوە بە گەلەكەمان.

بەڵكو گەل راپەڕ‌اندنی باشتری ئەركەكانی دەوێت و شایستیەی زیاترە لەوەی ئەمڕ‌ۆ پێشكەشی دەكرێت.

بەركەوت و ئەركی گەورە ترمان لەبەر دەمدایە ،پەیامەی هەڵبژاردنەكانی پێشو، پەیامی بەسرە و موسڵ و ئەركەكانی ئاوەدانكردنەوە و گەڕ‌اندنەوەی ئاوارەكان و پێداویستی هاوڵاتییان كە لانی كەمی خزمەتگوزاریی و حوكمی رەشیدن، پەیام بەهەموان دەگەیەنێت باشتر ئەركەكان رابپەڕ‌ێنین.

بۆیە پێویستە دەستبەرداری ئەو دەستەواژەكانەبین كە بەسەر كاری سیاسییماندا زاڵ ببو لە رابردودا.

ئێستا لەبەر دەم حكومەتێكی نوێ و قۆناغێكی نوێداین، داوا لە هێزە سیاسییەكان دەكەم هاریكاریی دكتۆر عادل عەبدولمەهدیی سەرۆك وەزیری راسپێراو بكەن تا كۆتایی بهێنێت، بە ئەركەكانی لە پێكهێنانی حكومەتێك كە بەرژەوەندییەكانی گەلی عێراق رەچاو بكات، حكومەتێك خزمەتكاری ئەم وڵاتە بێت، (بەدڵنیاییەوە) حكومەتێك پێویستە نەخشەی سیاسیی و بەركەوتە سیاسییەكان رەچاو بكات، بەڵام (بەدڵنیایشەوە) نابێت وەك رابردو هەر پشت ببەستین بە موحاسەسەی سەپێنراو كە زرەرە مەندی گەورە هاوڵاتیی عێراق و بێ ئۆقرەیی ئەم وڵاتە بوە.

هاوڵاتیی عێراق ورد دەبێتەوە و چاودێریی دەكات، رەنگە گەش بینی یەك لە ئارادا بێت بۆ قۆناغی ئایندە، ئەم گەش بینیی و پشتیوانیی و ئەم دان بەخۆدا گرتنەی عێراقییەكان نابێت وەك زامنێكی هەمیشەیی و بۆ هەتایی سەیری بكەین، چونكە عێراقییەكان گۆڕ‌انكاریی بەرچاویان دەوێت لە رێبازی حوكم و راپەڕ‌اندنی ئەركەكان و كارگێڕ‌یی و پێشكەش كردنی خزمەتگوزارییەكان و بەگژاچونەوەی گەندەڵیی باو لە جومگەكانی دەوڵەتدا.

بێگومان ئەم دەستكەوتانە بە ئاسانی بەدەست نەهاتون و پێویستە لەسەر مان یەكڕ‌یزیی راستەقینە بەهێز بكەین لە نێوان هێزە گرنگەكانی ئەم گەلەدا لە پێناوی سەركەوتنی ئەم گۆڕ‌انكارییە چاوەڕ‌وانكراوەدا.

پێویستە بە جدیی هەوڵ بدەین بۆ پابەند بون بە دەستور وەك مەرجەعیەتییەك كە تواناكانی بنیاتنانی وڵاتێك بۆ هەموان بێ جیاوازی زامن بكات، كار بكرێت بۆ كارا كردنی رێزگرتنی فرەیی وەك بناغەیەك بۆ مافەكان و ئازادییە دیموكراسیی و مەدەنییەكان، وەدەبیت وەك زامنێكی پاراستنی مافی هەموان بێ جیاكردنەوە و بە یەكسانیی شەریك و هاوبەش بن.

هاوبەش بن لە نیشتمان و چارەسەركردنی كەموكورتیی هەڵەكاندا و پێكەوە كار بكرێت لە بونیاد نانی ئایندە و بەدیهێنانی ئامانجە هاوبەشەكاندا.

ئەم دەستكەوت و بەركەوتە نێوخۆییانە بە ئاسانیی بەدی نەهاتون بە تایبەتی لەسەر و بەندی ئەم بارودۆخە نێودەوڵەتیی و ناوچەییەدا، كە كار دەكاتە سەر باری نێوخۆیی عێراق.

پێویستە سەربكەوین لەپێناوی رێزگرتنی سەروەریی و بەرژەوەندییەكانی عێراقدا، عێراقیش ببێتە خاڵی سەرلەنوێ ئۆقرەیی ئەم ناوچەیە و كۆتایی هێنان بە گرژییەكان تیایدا.

عێراق لەرێی جیهادی گەلەكەی و قورباندیان و كاری دامەزراوە سەربازیی و ئەمنییەكانی ئەم وڵاتەوە لە سوپا و حەشد و پێشمەرگە و حەشدی عەشاییرەكان و هێزەكانی ترییەوە، ‌توانا و ئازایەتیی خۆی سەلماند لە تێكشكاندنی سەربازیی تێرۆردا.

نابێت ئەم دەستكەوتانە بە هەند وەرنەگیرێت.

نابێت عێراق قبوڵ بكات و رێگە بدات سەرلەنوێ تێرۆر بگەڕ‌ێتەوە، نابێت ئەم ناوچەیە سەرلەنوێ تاوانەكانی گەڕ‌اندنەوەی تێرۆری بخرێتەوە ئەستۆ.

دەمانەوێت وڵاتەكەمان، وادیی رافیدەین، عێراق ببێتە سەنتەر و خاڵی سیستمیی ئەمنیی و سیاسیی نوێ لە ناوچەكە دا، بناغەكەیشی هاریكاریی و هاوكاریی نێوان گەلانی ئەم ناوچەیە بێت بۆ تێكشكاندنی تیرۆر و تەكفیریی و توندڕ‌ەویی.

ببێتە سەركەوتن بەرەوە دابینكردنی بەرژەوەندیی هاوبەشی ئابوریی و سیاسیی.

من گەشبینم بە ئایندە چونكە چەندین قۆناغی دژوارمان بینی و تێپەڕ‌اند، ئێوەش پیاوان و خەباتگێڕ‌ەكانی عێراقن.

قوربانیتان داوە لە پێناوی سەركەوتن بەسەر سەركوتكردن و تێرۆردا، ئەم گەلە كە بەخششی داوە دەتوانێت روبەڕ‌وی ئەم ئاڵنگارییانە ببێتەوە، ئومێدم بە برایان و هاوڕ‌ێیانمان لە ئەنجومەنی باڵایە، هەر وەك پێشتریش ئومێدمان پێیان بوە و پێشەنگ و پێشڕ‌ەوی پشتیوانیكردن بن لەم پرۆژە نیشتمانییەی كە پشت بە دەستور دەبەستێت و مەبەستێتی عێراق ئارام بێت لەگەڵ گەلەكەی و دراوسێكانیدا، عێراق نمونەی ئاشتیی و تەبایی بێت لە ناوچەكەدا.زۆر سوپاس و دوبارە یادێكی پیرۆز.










زۆرترین بینراو


هەواڵی سەرەکی

⋙ جەبار یاوەر: بەکارهێنانی هێز لە لایەن بەغدا دژی پێشمەرگە نایاسایی بوو

⋙ ئەردۆغان هاوپەیمانێکی بەهێزی وڵاتەکەی لەدەست دەدات

⋙ بەڤیدیۆ.. سامان عومەر ڕوونکردنەوەیەک بڵاو دەکاتەوە

⋙ ئەردۆغان چەند نهێنییەکی کوژرانی خاشقجی ئاشکرا دەکات

⋙ بکوژانی خێزانەکەی ناحیەی جەلەولا دەستگیرکران

ڤیدیۆ هەواڵ
⋙ بەڤیدیۆ.. سامان عومەر ڕوونکردنەوەیەک بڵاو دەکاتەوە

⋙ ڤیدیۆ؛ چین درێژترین پردی لە جیهاندا دروستكرد


زۆرترین بینراو