English | عربي



رۆژنامه‌كا له‌نده‌نى ناڤێ سه‌رۆك وه‌زيرێن عيراقێ يێ داهاتى ئاشكرا دكه‌ت

2018/09/16 | 20:03

هەواڵی کوردستان - ئه‌ڤرۆنيوز: رۆژناما (شه‌رقولئه‌وسه‌ت) يا له‌ندنى به‌لاڤكر به‌ربژارێ پۆستێ سه‌رۆكاتيا وه‌زيران عادل عه‌بدولمه‌هدى چه‌ندين خال ل ده‌ف هه‌نه‌ كو لايه‌نێن سياسى ل عيراقێ پالدده‌ن وى بۆ وى پۆستى ب هه‌لبژێرن، ئاماژه‌ دا ژى كو ئه‌و نێزيكترين كه‌سه‌ بۆ وه‌رگرتنا پۆستێ سه‌رۆك وه‌زيرين عيراقێ يێ داهاتى, رۆژناما ناڤبرى ژزارده‌ڤێ ژێده‌ره‌كێ سياسى به‌لاڤكر” په‌يوه‌نديێن عادل عه‌بدولمه‌هدى ل گه‌ل هه‌موو لايه‌نين ناڤخوه‌يا عيراقێ وهه‌تا لايه‌نێن هه‌رێمايه‌تى ونێڤده‌وله‌تى ژى دباشن وچه‌ندين خال يێن ل ده‌ف وى هه‌ين كو لايه‌نێن سياسى پالدده‌ن وى ب هه‌لبژێرن”.

وى ژێده‌رى زێده‌تر بۆ رۆژناما ناڤبرى گۆت” نوكه‌ عادل عه‌بدولمه‌هدى نێزيكترين كه‌سه‌ بۆ وه‌رگرتنا پۆستێ سه‌رۆكاتيا وه‌زيران وهه‌لبژارتنا وى كه‌سايه‌تى بۆ وى پۆستى، دێ پرسا هژمارتنا خالێن تايبه‌ت بۆ پۆستێن سيادى ل سه‌ر ليستێن سياسى كێمتر كه‌ت، چونكى عه‌بدولمه‌هدى يێ ژده‌رڤه‌ى په‌رله‌مانى وليستێن سياسى يێن نوكه‌ ودهێته‌ هژمارتن ل سه‌ر ره‌وتێ سياسه‌تمه‌دارێن سه‌ربخوه‌، پشتى ل سالا 2016 خوه‌ ژ جڤاتا ئيسلامى يا بلند ڤه‌كێشاى ونه‌گه‌هشتيه‌ ره‌وتێ حيكمه‌ ژى”.

دياركر ژى ” ليستا فه‌تح چو رێگرى نينه‌ ل به‌رده‌م وه‌رگرتنا عادل عه‌بدولمه‌هدى بۆ پۆستێ سه‌رۆكاتيا وه‌زيران، دبيت ژى ليستا فه‌تح ب خوه‌ ناڤێ وى پێشكێشكر بيت”.

دهێته‌ زانين عادل عه‌بدولمه‌هدى ئێك ژ سه‌ركردێن به‌رێ يێن جڤاتا ئيسلامى يا بلند، چه‌ندين پۆست پشتى 2003 وه‌رگرتينه‌، ل سالا 2010 پۆستێ جێگرێ سه‌رۆك كۆمارا عيراقێ وه‌گرتبوو وپاشى ده‌ست ژكارێ خوه‌ كێشا، ول سالا 2014 پۆستێ وه‌زيرێ په‌ترۆلێ وه‌رگرتبوو وده‌ست ژ وى كارى ژى كێشا.

هه‌روه‌سا دهێته‌ هژمارتن سياسه‌تمه‌دارێ ئێكانه‌ كو دو جاران ده‌ست ژ پۆستێن حكومى يێن بلند كێشاى.










زۆرترین بینراو


هەواڵی سەرەکی

⋙ پێڵاوەکانی هونەرمەندێک لە نقێمی گران بەها دروست کراوە، بزانە کێە

⋙ یانه‌کا عیراقێ هزر ل هه‌لوه‌شاندنا دو یاریزانێن کورد کریه‌ 

⋙ یاری نێوان ریال مەدرید و ڤیاڕیال دواخرا

⋙ له‌ كه‌لار قوتابخانه‌یه‌ك بۆ منداڵانى خاوه‌ن پێداویستى تایبه‌ت كرایه‌وه‌

⋙ نه‌جمه‌دین كه‌ریم: خیانه‌ته‌كه‌ی 16ی ئۆكتۆبه‌ر بوو به‌ ده‌رفه‌تێك بۆ نه‌یارانی كورد

ڤیدیۆ هەواڵ
⋙ ب ڤیدیۆ- گولا سیسنوكێ ب جوانى و بێهنا خوه‌، پایزا ده‌ڤه‌را بارزان خه‌ملاندیه‌

⋙ به‌ڤیدیۆ.. پیاوێك به‌به‌رچاوى كامێراكانه‌وه‌ كووپى قاوه‌ خواردنه‌وه‌كه‌ى ئه‌سه‌دى شكاند


زۆرترین بینراو