English | عربي



حه‌لبووسى بانگهێشتى لاریجانى ده‌كات و دژ به‌ سزا ئابوورییه‌كانى ئه‌مریكاش ده‌وه‌ستێته‌وه‌

2018/09/16 | 20:03

هەواڵی کوردستان - "سوپاسی ئێران ده‌كه‌ین"

سه‌رۆكى ئه‌نجومه‌نى شووراى ئێران (په‌رله‌مان)، پیرۆزبایی له‌ سه‌رۆكى په‌رله‌مانى عێراق ده‌كات بۆ وه‌رگرتنى پۆسته‌كه‌ى، له‌به‌رامبه‌ردا، حه‌لبووسى، بانگهێشتى لاریجانى كرد و ڕای گه‌یاند، دژ به‌ سزا ئابوورییه‌كانى ئه‌مریكان بۆ سه‌ر ئێران.

 

عه‌لى لاریجانى، سه‌رۆكى په‌رله‌مانى ئێران، له‌ په‌یوه‌ندییه‌كى ته‌له‌فونیدا، پیرۆزبایی سه‌ركه‌وتنى هه‌ڵبژاردنى سه‌رۆكایه‌تى په‌رله‌مانى له‌ محه‌مه‌د حه‌لبووسى، كرد، كه‌ دوێنێ له‌ ده‌نگدانێكدا، توانى به‌سه‌ر خالد عوبه‌یدی و چه‌ند كاندیدێكى دیكه‌دا سه‌ربكه‌وێت و پۆستى سه‌رۆكى ئه‌نجومه‌نى نوێنه‌رانى عێراق، به‌ده‌ست بهێنێت.

لاریجانى له‌ په‌یوه‌ندییه‌كه‌یدا، هیواى خواست عێراق بتوانێت پرۆسه‌ى سیاسی به‌دیاریكردنى سه‌رۆك كۆمار و سه‌رۆكى ئه‌نجومه‌نى وه‌زیران، به‌سه‌ركه‌وتووى كۆتایی پێبهێنێت.

 

لاى خۆیه‌وه‌، محه‌مه‌د حه‌لبووسى، سه‌رۆكى په‌رله‌مانى عێراق، سوپاسی لاریجانی كرد و، ڕای گه‌یاند: "عێراق و گه‌له‌كه‌ى ڕێز له‌ پشتیوانى ئێران بۆ وڵاته‌كه‌یان ده‌گرن، به‌تایبه‌ت له‌ شه‌ڕى دژ به‌ تیرۆر و داعش".

 

سه‌رۆكى نوێی په‌رله‌مان، جگه‌ له‌ بانگهێشتكردنى سه‌رۆكى په‌رله‌مانى ئێران بۆ عێراق، هاوكات جه‌ختیشی كرده‌وه‌، كه‌ ئه‌ندامانى ئه‌نجومه‌نى نوێنه‌ران، دژ به‌ سه‌پاندنى سزا ئابوورییه‌كانى ئه‌مریكان بۆ سه‌ر ئێران، گوتیشی: "ئه‌و سزا ئابوورییانه‌ نادادپه‌روه‌رانه‌یه‌ و به‌غدا پشتیوانى له‌ گه‌لى ئێران ده‌كات".










زۆرترین بینراو


هەواڵی سەرەکی

⋙ لەگەڵ ڕووداوەکاندا: میدیا و هەڵبژاردنەکانی هەرێمی کوردستانی عێراق

⋙ قوباد تاڵەبانی لەسەر دڕاندنی و لێکردنەوەی پۆستەر و فارسەکان هاتە دەنگ

⋙ پارتی: كاندیدمان بۆ سه‌رۆك كۆمار ده‌بێت‌و كار بۆ سه‌ركه‌وتنیشی ده‌كه‌ین

⋙ هاوپه‌یمانى فه‌تح مه‌رجى خۆى بۆ كاندیدیكردنى به‌رهه‌م ساڵح ئاشكرا ده‌كات

⋙ وێنه‌ كۆمیدی و جیاوازه‌كانى سروشت

ڤیدیۆ هەواڵ
⋙ ڤیدیۆ .. وەزارەتی دارایی: بودجەی ساڵی 2019 بۆ خزمەتگوزاری و بنیاتنان و ئاوەدانكردنەوە و دەستەبەركردنی هەلی كار تەرخان دەكرێت

⋙ ڤیدیۆ.. شیفرۆلییە ئۆتۆمبیلی جۆری "BLAZER" نمایش دەكات


زۆرترین بینراو