English | عربي



لە ڕێورەسمى پەردەلادان لەسەر پەيكەرى كولتوور و خۆشەويستیدا

2018/08/13 | 00:45

هەواڵی کوردستان - زيرەك ميرە پرۆژەی (خەڵاتی گەل)ی ڕاگەياند

 

لە ڕێوڕەسمی پەردەلادان لەسەر تازەترین پەیکەریدا، بەناوی (کولتوور و خۆشەویستی) کە رۆژی شەممە لە سلێمانی  (11/8/2018) بەڕێوە چوو، هونەرمەندی پەیکەرتاش زیرەک میرە.

پرۆژەی (خەڵاتی گەل)ی راگەیاند.

 

میرە لەبارەی ئەم پرۆژەیەوە زیاتر روونکردنەوەی دا و گوتی: ”ماوەی ساڵێک و 6 مانگ بە دروستکردنی ئەم پەیکەرەوە خەریک بووم“، گوتیشی: ”لەم قەيرانە داراييەى كە حكوومەتى هەرێمی کوردستان تووشى بووە، پێم باشە هەر لايەنێك، ياخود سەرمايەدارێك يان هەر كەسێك لە توانايدا بێت، وەكوو ئەركێكى نيشتيمانى و ئەخلاقى، بەشێك لە چارەسەرکردنی لێکەوتەکانی ئەم قەيرانە بگرێتە ئەستۆى خۆى، تا كولتوور و هونەرى نەتەوەكەى خۆمان بپارێزين، چونكە كولتوور و هونەر وەكوو ناسنامە و ئاڵايەكە بۆ نەتەوەيەك، بۆیە سوپاسى بەڕێز ڕەنج محەمەد مەجید بەگ دەكەم کە سپۆنسەریی ئەم پەیکەرەی کردووە."

 

زيرەك ميرە گوتیشی:"دەمەوێت ئەم پەيكەرە ببێتە هۆى قووڵبوونەوەی پێكەوەژيان و يەكترى قبووڵكردن، دەمەوێت پێكەوە نيشتيمانێكى نوێ دابمەزرێنين و دوور لە رق و کینە و یەکتر سووککردن و ململانێی ناجۆر کە زیانی گەورەی لە هەموو لایەنەکانی ژیانی کۆمەڵگەی کوردستانی داوە لەنێوان هەموو پارچەکانی کوردستان و لەنێو خودی هەریەک لە پارچەکانیشدا."

 

میرە درێژەی پێ دا و گوتی: ”تەنانەت ئەو کچ و کوڕانەش کە یەکتریان خۆش دەوێ، کۆمەڵگە ئازاریان دەدا، بەداخەوە ئێمە لە كاتى تەنگانەکانیشدا يەكتريمان خۆشناوێت“.

 

هەر لەو ڕێوڕەسمەدا هونەرمەند زیرەک میرە، پرۆژەیەکی تازەی خۆی راگەیاند بەناوی (خەڵاتی گەل)ەوە و داوای لە خەڵکی هەر چوار پارچەی کوردستان کرد، کە هەریەک بەپێی توانای خۆی ئەگەر بە بڕێکی کەمیش بێت، پێشکەش بە سندووقی (خەڵاتى گەل)ی بکات، تا ببێت بە بەشێك لەو كەسايەتييانەى كە هاوكار بوون لە پاراستنى وڵات و نەتەوە و كولتوور و هونەرى خۆیان و چەندین كوردى ديكەى وەكوو خۆیان، لە ناوەوە و دەرەوەى وڵات."

 

گوتیشی: ”لەو کۆمەک و بەشدارییەی ئێوە، خەڵاتێک دروست دەکەین و هەر ساڵەی دەیبەخشینە کەسایەتییەکی کورد کە توانیبێتی ناوی کورد جا لە بواری زانست و کولتوور و هونەر و هەر بوارێکی مرۆیی تردا، بە جیهان بناسێنێ“.

 

ميرە بە دڵێكى پڕەوە بەردەوامیى پێ دا و گوتى:"توو ئەو خوايەتان ئەم بابەتە مەبەستنەوە بە حزبايەتىیەوە، با ئێمە لەناو خۆماندا، بێ جياوازى هاوكاریى کەسە لێهاتوو و شیاو و سەرکەوتووەکانی گەلەكەى خۆمان بكەين."

 

زیرەک میرە گوتیشی: ”يەكێك لەو هۆكارانەى كە بووە هۆى دامەزراندنى ئەم پڕۆژەيە، سەرکەوتن و هەڵوێستی زانا و بلیمەتی کورد (كۆچەر بيركار) بوو، كە لە كاتى وەرگرتنى خەڵاتى نۆبڵ بۆ ماتماتيك، دەڵێت: (هيوادارم ئەم خەڵاتە دڵى 40 مليۆن كوردى خۆش كردبێت) کە ئەو بەڕاستی شایەنی ئەو خەڵاتەیە لەمساڵدا“

 

شایەنی باسە، يەكەمین كەس كە دەستى بە بەخشين کرد بۆ سندووقی (خەڵاتی گەل) زیرەک میرە خۆی بوو، کە ئەڵقەى هاوسەرگیریی هاوسەرە خۆشەويستەكەى خۆیی بەخشی.

 

گوتیشی: ”لەمڕۆوە تا هەفتەیەک، لە ژوورێکی مۆزەخانەی ئەمنە سوورەکە ژوورێک تەرخان کراوە بۆ لیژنەیەک کە بەخشینەکانی هاووڵاتیان وەردەگرن و پسوولەی تایبەتیان دەدەنێ، لە كاتژمێر 9 بەيانى هەتا 4ى پاشنيوەڕۆى هەموو ڕۆژێك سندووقەكە كراوەيە و دەتوانن بەخششەکانی خۆتانى تێدا دابنێن“.

 

شایەنی باسە، هونەرمەندی پەیکەرتاش زیرەک میرە، یەکێکە لە پەیکەرتاشە گەنج و ناودارەکانی کوردستان و خودان دید و تێڕوانینێکی تایبەتە، ئەمەش لە کارە هونەرییەکانیدا رەنگی داوەتەوە، تا ئێستا هەرچی کارێکی هونەریی پەیکەرتاشیی دروست کردبێ بۆ نماییشکردن لە شوێنە گشتییەکاندا، لە میدیا کوردستانی و تەنانەت جیهانییەکانیشدا، مشتومڕێکی زۆری بەدوای خۆیدا هێناوە، نەخاسمە لەنێو رۆشنبیران و هونەرمەندان و سیاسەتمەداران و زۆرینەی ​کۆمەڵگەدا.

 

پەیکەری (کولتوور و خۆشەویست)یش بە هەمان شێوە، لەنێو میدیا و تۆڕە کۆمەڵایەتییەکاندا چەند رۆژێکە مشتومڕێکی زۆری بەدوای خۆیدا هێناوە، زیرەک میرەش سوورە لەسەر ئەوەی کە ئەم پەیکەرەی تەنیا بۆ پەرەدان بە کولتووری خۆشەویستی و پێکەوەژیان و ئاشتەوایی کۆمەڵایەتی و یەکتر قبووڵکردن و دوورکەوتنەوە لە رق و کینە دروست کردووە.










زۆرترین بینراو


هەواڵی سەرەکی

⋙ "ئەوانەی دەستیان لەكارە تیرۆریستیەكەی سەر پارێزگای هەولێر هەبوو هەموویان دەستگیركراون"

⋙ ترامپ: لەجیاتی ئەمریكا سعودییەو وڵاتانی دەوڵەمەند پارە بۆ ئارامی سوریا دابین دەكەن

⋙ كورد لەنێوان بەرەكانی مالیكی‌و عەبادی یەكلانەبوونەتەوە پارتی‌و یەكێتی مەرجیان هەیەو لایەنە ناڕازییەكان-یش بێدەنگیان هەڵبژاردووە

⋙ دابەشبوونی نەسر چانسی عەبادی بۆ وەرگرتنەوەی پۆستی سەرۆك وەزیران لاواز دەكات

⋙ ئەمەریكا پەیوەندیی دراوسێكان خۆشدەكات

ڤیدیۆ هەواڵ
⋙ ڤیدیۆ : دواین دیمەنەکانی یاریەکەی جۆکۆڤیچ و فێدرەر

⋙ ڤیدیۆ : گۆڵەکەی کارڤاخال دژی خیتافی


زۆرترین بینراو