English | عربي



ل دهۆكێ ده‌ست ب به‌لاڤكرنا پارچێن ئه‌ردى لسه‌ر كه‌سوكارێن شه‌هيدان هاته‌‌ كرن

2018/08/12 | 21:27

هەواڵی کوردستان - ئه‌ڤرۆنيوز: بريكارێ وه‌زاره‌تا كاروبارێن شه‌هيد وئه‌نفالكريان ل هه‌رێما كوردستانێ، به‌ره‌ڤان حه‌مدى راگه‌هاند، ل پارێزگه‌ها دهۆكێ وه‌كو قۆناغا ئيكێ، ده‌ست ب به‌لاڤكرنا پارچێن ئه‌ردى ل سه‌ر كه‌سوكارێن شه‌هيدێن شه‌رێ دژى تيرۆرستێن داعشێ هاتيه‌ كرن وبۆ قۆناغێن بهێت دێ ل پارێزگه‌هێن دى يێن هه‌رێمێ هێنه‌ به‌لاڤكرن.

سه‌رۆك وه‌زيرێن هه‌رێما كوردستانێ، نێچيرڤان بارزانى، ل حه‌فتيا بۆرى ل كۆنفرانسه‌كێ رۆژنامه‌ڤانى دا راگه‌هاندبوو، بريار هاتيه‌ دان پارچێن ئه‌ردى ل سه‌ر كه‌سوكارێن شه‌هيدێن شه‌رێ دژى تيرۆرستێن داعشێ بهێنه‌ به‌لاڤكرن.

به‌ره‌ڤان حه‌مدى، بريكارێ وه‌زاره‌تا كاروبارێن شه‌هيد وئه‌نفالكريان بۆ مالپه‌رێ فه‌رميێ پارتى ديموكراتى كوردستان گۆت” پشتى شه‌رێ داعشێ جڤاتا وه‌زيران بريار دا پارچێن ئه‌ردى يان يه‌كه‌يێن ئاكنجيبوونێ بهێنه‌ دان بۆ كه‌سوكارێن شه‌هيدان، لژنه‌ك ژى ب سه‌رۆكايه‌تيا وه‌زيرێ كاروبارێن شه‌هيد وئه‌نفالكريان وئه‌ندامه‌تيا وه‌زيرا باژێرڤانيان ووه‌زيرێ ئاڤه‌دانكرنێ ووه‌زاره‌تا پێشمه‌رگه‌ پێكهات، چه‌ندين كۆمبوون ژى يێن هاتينه‌ كرن، به‌لێ ژبه‌ر قه‌يرانا دارايى، دشيان دا نه‌بوو يه‌كه‌يێن ئاكنجيبوونێ بهێنه‌ دابينكرن”.

گۆت ژى” به‌لاڤكرنا پارچێن ئه‌ردى ل سه‌ر شه‌هيدێن شه‌رێ دژى تيرۆرستێن داعشێ دێ بنه‌ چه‌ندين قۆناغ ونوكه‌ ل سنورێ پارێزگه‌ها دهۆكێ ده‌ست ب به‌لاڤكرنا پارچێن ئه‌ردى هاتيه‌ كرن، بۆ قۆناغێن ددووڤدا، دێ ده‌ست ب به‌رهه‌ڤيان هێته‌ كرن تاكو ل سنورێ سلێمانيێ وهه‌له‌بجه‌ وگه‌رميان ژى پارچێن ئه‌ردى ل سه‌ر كه‌سوكارێن شه‌هيدان بهێنه‌ به‌لاڤكرن”.

به‌ره‌ڤان حه‌مدى خوياكر ژى” دێ كارى ب وێ داتايێ كه‌ن كو ژ وه‌زاره‌تا پێشمه‌رگه‌ بۆ وه‌زاره‌تا كاروبارێن شه‌هيد وئه‌نفالكريان دچيت، هه‌روه‌سا هه‌ر شه‌هيده‌كێ ب سه‌ر وه‌زاره‌تا ناڤخوه‌، يان داموده‌زگه‌هه‌كى دى يێ ئيدارى بيت ول شه‌رێ دژى داعشێ ول پێناڤى ئازاديێ وپاراستنا ئاخ وگه‌لێ كوردستانێ شه‌هيد ببيت بێ جوداهى دێ ژوان ژى گريت، وێ چه‌ندێ ژى رێنمايێن خوه‌ يێن تايبه‌ت ل وه‌زاره‌تا پێشمه‌گه‌ يێن هه‌ين، كو پێدڤيه‌ دوسێيێن وان ل وێرێ ب دووماهى بينن وپاشى بهێنه‌ هنارتن بۆ وه‌زاره‌تا كاروبارێن شه‌هيد وئه‌نفالكريان”.










زۆرترین بینراو


هەواڵی سەرەکی

⋙ "ئەوانەی دەستیان لەكارە تیرۆریستیەكەی سەر پارێزگای هەولێر هەبوو هەموویان دەستگیركراون"

⋙ ترامپ: لەجیاتی ئەمریكا سعودییەو وڵاتانی دەوڵەمەند پارە بۆ ئارامی سوریا دابین دەكەن

⋙ كورد لەنێوان بەرەكانی مالیكی‌و عەبادی یەكلانەبوونەتەوە پارتی‌و یەكێتی مەرجیان هەیەو لایەنە ناڕازییەكان-یش بێدەنگیان هەڵبژاردووە

⋙ دابەشبوونی نەسر چانسی عەبادی بۆ وەرگرتنەوەی پۆستی سەرۆك وەزیران لاواز دەكات

⋙ ئەمەریكا پەیوەندیی دراوسێكان خۆشدەكات

ڤیدیۆ هەواڵ
⋙ ڤیدیۆ : دواین دیمەنەکانی یاریەکەی جۆکۆڤیچ و فێدرەر

⋙ ڤیدیۆ : گۆڵەکەی کارڤاخال دژی خیتافی


زۆرترین بینراو