English | عربي



به‌غدا نه‌وت و به‌نزین بۆ هه‌رێمی كوردستان ڕه‌وانه‌ ده‌كات

2018/08/12 | 19:48

هەواڵی کوردستان -

هه‌ولێر-KDP.info- به‌ڕێوەبه‌ری سووته‌مه‌نیی هه‌ولێر گوتی، بڕیاره‌ له‌ دوو ڕۆژی داهاتوودا به‌غدا وه‌جبه‌ی سێیه‌می به‌نزین بۆ هه‌رێمی كوردستان ڕه‌وانه‌ بكات و له‌گه‌ڵ به‌نزین نه‌وتی سپیش ڕه‌وانه‌ ده‌كرێت و هه‌ركاتێك بگات به‌سه‌ر هاووڵاتیاندا دابه‌ش ده‌كرێت.

حكوومه‌تی عێراق ماوه‌یه‌كه‌ به‌نزین بۆ هه‌رێمی كوردستان ڕه‌وانه‌ ده‌كات و ئێستا 3 ملیۆن و200 هه‌زار لیتر بۆ هه‌ولێر و2 ملیۆن بۆ دهۆك و چوار ملیۆنیش بۆ سلێمانی دراوه‌، به‌ڵام سلێمانی وه‌ریاننه‌گرتووه‌ و ته‌نیا هه‌ولێر و دهۆك وه‌ریانگرتووه‌، كه‌ نرخی هه‌ر لیترێك به‌600 دینار و تیچووشی 40 دیناره‌ و به‌ 640 دینار به‌سه‌ر ئۆتۆمبێلی تاكسیدا دابه‌ش ده‌كرێت .

مسته‌فا ته‌ها، بەڕێوەبه‌ری سووته‌مه‌نیی هه‌ولێر، به‌ ماڵپه‌ڕی فه‌رمیی پارتی دیموكراتی كوردستانی ڕاگه‌یاند: "پێش چه‌ند ڕۆژێك بریكاری وه‌زاره‌تی نه‌وتی عێراق سه‌ردانی هه‌ولێری كرد و له‌گه‌ڵ پارێزگاری هه‌ولێر كۆ بووه‌وە و به‌ڵێنیشی داوه‌ كه‌ ناردنی به‌نزین و نه‌وتی سپی بۆ هه‌رێمی كوردستان به‌رده‌وام ده‌بێت و بڕیاره‌ له‌ دوو ڕۆژی داهاتوودا وه‌جبه‌ی سێیه‌می به‌نزین ڕه‌وانه‌ بكرێت، كه‌ بۆ هه‌ولێر دوو ملیۆن لیتر و دهۆكیش یه‌ك ملیۆن لیتر ده‌بێت و سلێمانیش دوو ملیۆنه‌ خۆیان وه‌ریناگرن و هه‌ركاتێك بگات‌ به‌سه‌ر تاكسییه‌كاندا دابه‌شی ده‌كه‌ن، چونكه‌ بره‌كه‌ كه‌مه‌ و به‌شی هه‌موو ئۆتۆمبێله‌كان ناكات."

مسته‌فا ته‌ها گوتیشی: "ئێمه‌ داوامان كردووه‌ به‌رده‌وام بێت و هه‌ركاتێك زانیمان به‌رده‌وام ده‌بێت ئه‌وكات به‌سه‌ر هه‌موو ئۆتۆمبێله‌كاندا دابه‌شی ده‌كه‌ین و ئومێدمان هه‌یه‌ به‌ هه‌وڵه‌كانی پارێزگاری هه‌ولێر، حكوومه‌تی عێراق به‌رده‌وام بێت له‌ ناردنی سووته‌مه‌نی بۆ هه‌رێمی كوردستان."

ته‌ها باسی له‌وه‌ش كرد: "بڕیاره‌ له‌گه‌ڵ وه‌جبه‌ی سێیه‌می به‌نزین ده‌ست به‌ ناردنی نه‌وتی سپیش بكرێت و ڕۆژانه‌ پێنج ته‌نكه‌ر بۆ ئێمه‌ ڕه‌وانه‌ بكرێت و هه‌ركاتێك گه‌یشته‌ ده‌ستمان له‌ ناوچه‌ شاخاوییه‌كان ده‌ست به ‌دابه‌شكردنی ده‌كه‌ین، كه‌ ڕه‌نگه‌ نرخه‌كه‌یشی به ‌هه‌مان نرخی ساڵی ڕابردوو بێت، كه‌ به‌رمیلێك نه‌وت 216 لیتره و‌ به ‌51 هه‌زار دینار بێت."

بڵند ئیبراهیم

 










زۆرترین بینراو


هەواڵی سەرەکی

⋙ به‌ره‌ى توركمانى داواى پۆستى جێگرى سه‌رۆكى حكومه‌تى هه‌رێم ده‌كات

⋙ کێشەی ئاوی خواردنەوەی دانیشتووانی هەڵەبجە چارەسەر کرا

⋙ مه‌كته‌بى سه‌رۆكى پارتى ديموكراتى كوردستان روونكردنه‌وه‌یەكی بڵاوكردەوە

⋙ دەسەڵاتدارانی تورکیا ھاوڵاتییەکی سویدیان بە گومانی پەیوەندی بە پەکەکەوە دەستگیرکرد

⋙ دابه‌شكردنى ئاو له‌ هه‌ڵه‌بجه‌ ده‌ستپێده‌كاته‌وه‌

ڤیدیۆ هەواڵ
⋙ ڤیدیۆ : سەرجەم گۆڵەکانی گێمی یەکەم

⋙ ڤیدیۆ : گۆڵەکەی دیبالا دژی مان یونایتد


زۆرترین بینراو