English | عربي



قوباد تاڵه‌بانی بۆ كۆچی دوایی عادل موراد: ماڵئاوا پیاوه‌ ناخ سپی وخه‌مخۆره‌كه‌ی یه‌كێتیی ماڵئاوا پێشمه‌رگه‌ و رۆشنبیره‌كه‌ی شاخ وشار

2018/05/18 | 14:48

هەواڵی کوردستان - قوباد تاڵه‌بانی بۆ كۆچی دوایی عادل موراد پرسه‌نامه‌یه‌ك ئاڕاسته‌ی كه‌سوكار و هاوڕێ و ئه‌نجومه‌نی ناوه‌ندی و ئه‌ندامان و لایه‌نگرانی یه‌كێتیی نیشتمانیی كوردستان ده‌كات.

ده‌قی پرسه‌نامه‌كه‌… به‌ڕێزان كه‌سوكاری خوالێخۆشبوو كاك عادل موراد به‌ڕێزانی ئه‌نجومه‌نی ناوه‌ندی و ئه‌ندامان و لایه‌نگرانی یه‌كێتیی نیشتمانیی كوردستان به‌داخه‌وه‌ و به‌ خه‌م و په‌ژاره‌یه‌كی زۆره‌وه‌، هه‌واڵی كۆچی دوایی، پێشمه‌رگه‌ی دێرین و سیاسه‌تمه‌دار كاك (عادل موراد) مان پێگه‌یشت، به‌م بۆنه‌ خه‌مناكه‌وه‌ پرسه‌و ماته‌مینی خۆمان ئاڕاسته‌ی كه‌سوكاری كۆچكردوو و ئه‌نجومه‌نی ناوه‌ند و هه‌موو ئه‌ندامان و لایه‌نگرانی یه‌كێتیی نیشتمانیی كوردستان ده‌كه‌ین.خوالێخۆشبوو كاك عادل، وه‌ك پێشمه‌رگه‌یه‌ك و هاوسه‌نگه‌ری هه‌ڤاڵ مام جه‌لال ویه‌كێك له‌ دامه‌زرێنه‌رانی یه‌كێتیی نیشتمانیی كوردستان، ژیانی خۆی بۆ خه‌بات و تێكۆشان له‌ پێناو مافه‌ ڕه‌واكانی گه‌لی كورد ته‌رخان كردبوو، كه‌سێكی ڕۆشنبیر و نیشتمان په‌روه‌ر و هه‌ق بێژ بوو، هه‌موو ئاوات و ئامانجی سه‌رخستنی ڕێبازه‌كه‌ی هه‌ڤاڵ مام جه‌لال و یه‌كێتی بوو، به‌داخه‌وه‌، مه‌رگ ڕێگه‌ی نه‌دا ئه‌م جاره‌ كاك عادل به‌شدار بێت له‌ خۆشییه‌كانی سه‌ركه‌وتنی یه‌كێتی له‌ هه‌ڵبژاردنه‌كانی ئه‌نجومه‌نی نوێنه‌رانی عێراق، له‌ده‌ستدانی مایه‌ی په‌ژاره‌یه‌كی گه‌وره‌یه‌ بۆ هه‌موو لایه‌كمان.

له‌ په‌روه‌ردگاری مه‌زنمان داوایه‌ گیانی پاكی كاك عادل به‌ به‌هه‌شتی به‌رین شاد بكات، سه‌بوری و دڵنه‌واییش به‌ كه‌سوكار و دۆست و هه‌ڤاڵانی ببه‌خشێت.

ماڵئاوا پیاوه‌ ناخ سپی وخه‌مخۆره‌كه‌ی یه‌كێتیی ماڵئاوا پێشمه‌رگه‌ و رۆشنبیره‌كه‌ی شاخ وشار.

انا لله‌ و انا الیه‌ راجعون قوباد تاڵه‌بانی










زۆرترین بینراو


هەواڵی سەرەکی

⋙ مانگرتوانی نامەیەکیان ئارستەی سەرۆکی شارەوانی کاسێل-ی ئەڵمانیا کرد

⋙ هەدەپە کاندیدى خۆى بۆ پۆستى سەرۆکى پەرلەمانى تورکیا دیارییکرد

⋙ كه‌شناسی: شه‌پۆلێكی باران رو له‌هه‌رێمی كوردستان ده‌كات

⋙ په‌رله‌مانتارێكى عێراق واده‌ى ناردنى بودجه‌ بۆ هه‌رێمی كوردستان ئاشكرا ده‌كات

⋙ ڕاوێژکارێکی مەکتەبی سیاسیی یەکێتی: پەیوەندییەکانی پارتی و یەکێتی ئاسایی دەبنەوە

ڤیدیۆ هەواڵ
⋙ ب ڤیدیۆ: ڤێ ئافره‌تا ئه‌فریقی ترامپ مه‌نده‌هوش کریه‌

⋙ كۆمپانیای "هۆندا" نمایش بەئۆتۆمبیلە نوێیەكەی دەكات "+ڤیدیۆ"


زۆرترین بینراو