English | عربي



سفر چارەسەر

2019/12/04 | 23:00

هەواڵی کوردستان -  

جارێكیان لەگەڵ برادەرێكم لە ماڵی دكتۆر عەبدولڕەزاق عید بووین، ئەو جاران، ئاگاتان لە وشەی جارانەكە بێت، بە واتای ئەوەی ئێستا ئەو وەك جاران نییە، گرنگ ئەوەیە..

ئێمە لە ماڵەكەی ئەودا بووین، هەر كەسێكیش سەردانی ماڵی ئەوی بكردبایە، وەك ئەوەیە چووبێتە كۆڕبەندێكی هزرییەوە، لەوێدا كەوتینە گفتوگۆ و گەنگەشە لەنێوانماندا گەرم بوو.

دكتۆر عید رێنماییەكی كردین و گوتی، هیوادارین ئێوەی چالاكانی كورد وەك ئێمەی كۆمۆنیست نەبن! ئێوەی كورد هەمیشە بەوە ناسراون كە بە چارەسەری مامناوەند رازی نابن، بە واتای ئەوەی لە فەرهەنگی ئێوەدا شتێك نییە ناوی "لە نێوانی هەردوو رەنگەكەدا" بێت، بەڵكوو شت لە لای ئێوە یان رەشە یان سپی.

ئەو چووە سەر ئەزموونی ژیانی خۆی و شێوەی پەیوەندیی خۆی لەگەڵ پارتی كۆمۆنیستی فەرەنساش، كە چۆن داوایان لە كۆمۆنیستانی فەرەنسا دەكرد دژایەتیی پارتی كۆمۆنیستی ئیسرائیل بكەن، ئەو دانی بەوەدا نا كە ئەوان بەو جۆرە تەماشای هەموو كۆمۆنیستێكیان دەكرد، كە هەمووان لە بەردەم پەیوەستییەكی ئەخلاقی و هزری و سیاسیدان، بەوەی دەبێت لەپاڵ كۆمۆنیستانی عەرەبدا بن.

ئەمە واتای ئەوەیە كە كۆمۆنیستانی عەرەب ئەوەیان لەبیر چووەتە كە چۆن كۆمۆنیستانی جیهان پەیوەندییان لەگەڵ ئەواندا هەیە، بە هەمان شێوە پەیوەندییان لەگەڵ كۆمۆنیستانی ئیسرائیلیش هەیە.

ئەم جۆرە روانینە پێی دەگوترێت "سفر چارەسەر"، واتە چارەسەرێك نییە بە ناوی "دان و ستاندن، یان پێدان و وەرگرتن" یان "چارسەری مامناوەند".

ئەگەرچی واقیعی ئێمە و شێوەی بزاوتی سیاسیمان و ئەو ئاڵۆزییەی دەوری پرسی ئێمەی داوە ئەوەمان لەسەر دەسەپێنێت، كە شتێك قبووڵ بكەین و ناوی چارەسەری مامناوەندە، دەبێ ئێمە رێی "پێ بە پێ" بگرینە بەر نەك تەنیا بڵێین، یان هەموو شت یانیش هیچ.

لۆژیكی هەموو شتێك یان هیچ، لەگەڵ سیاسەتدا ناگونجێت، چونكە سیاسەت بریتییە لە بەكاربردنی عەقڵ و خوێندنەوەی هەلومەرجی خۆیی و بابەتی.

لە مێژووی بزاڤی كوردایەتیمان لە سووریا، باوەڕێك هەبوو كە رژێمی بەعس بە دڵنیاییەوە بە یەك قۆناغ مافمان پێ نادات، بزووتنەوەی كوردایەتییش ناتوانێت بە یەك قۆناغ هەموو مافەكەی بەدەست بهێنێت، باوەڕ وابوو كە هەرچەندی ئێمە هەنگاوێك بۆ بەدەستهێنانی مافمان بەرەو پێش بچین، وەك ئەوەیە كە ئێمە لە گەیشتن بە كرۆكی مافمان نزیك دەبینەوە، وەك سەرنج دەدەین لەم ساڵانەی دواییدا ئێمە پشتمان لە تەكتیكی خەبات كرد، رەنگە هۆیەكەش ئەو دەسكەوتە بێت كە لە هەلومەرجی شەڕدا بەدەستمان هێنا، جێی داخە كە ئەوەی لە هەلومەرجی شەڕدا بەدەست دێت، رەنگە لە هەمان هەلومەرجدا بەفیڕۆ بچێت، نەمازە كە ئێمە لە دەروازەی سیاسەتەوە نەمانتوانی هیچ دەسكەوتێك بەدەست بهێنین.

ئیدی لێرەوە هەر لە روانگەی لۆژیكی "سفر چارەسەر"ەوە، روانین بۆ هەر بابەت و پرسێك وا پێ دەچێت كە روانینێكی نادروست بێت، واتە ئێمە لە بەردەم گرفتی ئەوەین كە چۆن "لە كاتی هەڵكردنی رەشەبادا سەری خۆمان دانەوێنین"؟ خۆ رەنگە كەس پێی سەیر نەبێت كە ئێمە بەرەو رووی توندترین رەشەبا بووینەتەوە، كە نەك بەرەو رووی قەوارەی سیاسیمان بووەتەوە بەڵكوو بەرەو ​رووی قەوارەی كۆمەڵایەتی و كولتووریشمان بووەتەوە.

ماوەتەوە بڵێین، ئەوەی پێیدا گوزەر دەكەین زۆر زەحمەتە، زەحمەتییەكە لەوەدا نییە كە خەڵكانێك بۆمان لە بۆسەدان، هێندەی كە بەندە بەوەی هەڵوێستێك دەنوێنین كە نە هەلومەرجی بابەتی و نە خۆیی، پشتیوانی نییە.وتارەكە لە پەیڤدا:

"لە كاتی رەشەبادا، لە سفر چارەسەر دوور بكەوە.."

 









زۆرترین بینراو


هەواڵی سەرەکی

⋙ وەزارەتی ناوخۆی عێراق ؛ پێنج ئەندامی رێکخراوی داعش دەستگیرکران

⋙ بەیاننامەی عادل عەبدولمەهدی لە ساڵوەگەڕی سەرکەوتنی عێراق بە سەر داعشدا

⋙ هەڵبژاردنی سەرۆک وەزیرانی نوێی لوبنان دواکەوت

⋙ دەستەی دەستپاکی لەمانگی رابردودا فەرمانی گرتنی بۆ 226 بەرپرسی عێراقی دەركردوە

⋙ سەرۆکوەزیرانی بریتانیا داوای لێبوردن لە منداڵێک دەکات

ڤیدیۆ هەواڵ
⋙ ڤیدیۆ؛ لەنیوزلەندا گڕکانێک تەقییەوە، حکومەت هۆشداری دەداتە هاوڵاتیان

⋙ ڤیدیۆ..چرکەساتی تیرۆرکردنی خۆپیشاندەرێک


زۆرترین بینراو