English | عربي



توركیا بە نیازی هێرشی ئاسمانییە بۆ سەر كۆبانێ

2019/11/10 | 23:36

هەواڵی کوردستان -

ئێوارەی ئەمڕۆ یەكشەممە ڕوانگەی مافی مرۆڤی سووریا لە سەرچاوەی باڵای گواستەوە كە توركیا و میلیشیا بە كرێگیراوەكانی لە سووریا بە نیازی ئەنجامدانی هێرشی ئاسمانی و بۆردوومانكردنی شاری كۆبانێی ڕۆژئاوای كوردستانن، ئەمەش بۆ دروستكردنی گوشاری زیاتر لەسەر یەپەگە.

ڕوانگەی مافی مرۆڤی سووریا لە بەیاننامەیەكدا ئاشكرای كردووە كە سوپای توركیا بە یارمەتی میلیشیا بەكرێگیراوەكانی بە نیازن لە ماوەیەكی نزیكدا، كە ڕەنگە سبەی یان دووسبەی بێت، هێرشی ئاسمانی بكەنە سەر كۆبانێ.

لەمبارەیەوە سەرچاوەیەكی ڕوانگەكە دروستی هەواڵەكەی بۆ (باسنیوز) پشتڕاست كردەوە.

هەر ئەمڕۆ یەكشەممە سەرچاوەیەكی مەیدانی لە كۆبانێوە بە (باسنیوز)ی راگەیاندبوو كە هێزەكانی یەپەگە و هێزەكانی ڕژێمی سووریا دەستیان بە لێدانی خەندەق كردووە لە كۆبانێ و دەوروبەری شارەكە، ئەمەش وەكو ئامادەكارییەك بۆ هەر هێرشێكی لەناكاوی توركیا بۆ سەر شارەكە.

لە بەیاننامەكەدا ئەوەش هاتووە كە ئەم هێرشەی توركیا بەشێك دەبێت لە گوشارە بەردەوامەكانی حكوومەتی ئەنكەرا بۆ بەدەستهێنانی دەستكەوتی زیاتر و ناچاركردنی یەپەگە بە سازشكردنی زیاتر لە چوارچێوەی ڕێككەوتنەكەی رووسیا و توركیا بۆ ناچاركردنی یەپەگە بە كشانەوە لە ناوچە سنوورییەكاندا.









زۆرترین بینراو


هەواڵی سەرەکی

⋙ هەردوو هاوسەرۆکی شارەوانی ئیپەک یۆلوی شاری وان گیران

⋙ لە گوندی مەسعودیە شەڕێکی قوڕس روودەدات

⋙ لە هەولێر چوارکەس بە تۆمەتى ساغکردنەوەى دەرمانى ماوەبەسەرچوو دەستگیرکران

⋙ هەرێمی کوردستان.. لە شەش ھەزار قوتابخانە تەنیا ھەزاریان توێژەری دەروونییان ھەیە

⋙ وەزارەتی تەندروستی هۆشداری دەداتە نەخۆشخانە تایبەتەكان

ڤیدیۆ هەواڵ
⋙ بە بڵاوكردنەوەی ڤیدیۆ كلیپێك، كازم ساهر پەیام بۆ "گەنجانی عێراق" دەنێرێت

⋙ بە ڤیدیۆوە... چەند پۆلیسێكی ئەمریكی دەبنە باتمان


زۆرترین بینراو