English | عربي



حەکیم: هەمو چاکسازییەکانی حکومەت و پەرلەمانی عێراق دەستکەوتی خۆپیشاندەرانە

2019/11/10 | 22:24

هەواڵی کوردستان -

خەندان-سەرۆکی رەوتی حیکمەی نیشتیمانی رایگەیاند، خۆپیشاندانەکانی عێراق بۆ داواکردنی ژیانێکی ئازاد و رێزلێگیراو بوە، ئەوەش وایکرد حکومەت و پەرلەمانی عێراق هەڵمەتی چاکسازی رابگەیەنن و لەو پێناوەشدا خەڵکی ناڕازی قوربانیانداوە.عەمار حەکیم، سەرۆکی رەوتی حیکمەی نیشتیمانی کە گەورەترین هێزی ئۆپۆزسیۆنی پەرلەمانییە لە عێراقدا لە راگەیەنراوێکدا ئاماژەی بەوەکردوە، ئەوەی لە عێراقدا رویدا هەنگاوێکی دورستبو لە هەناوی سیستەمێکی سیاسیەوە هاتە دەرەوە و داوایکرد، گرەو لەسەر ئارامی و پێداویستی خەڵک بۆ ژیانێکی رێزلێگیراو نەکرێت.

هاوكات سوپاسی خۆپیشاندەرانی نیشتیمانپەروەر دەکەن کە بەدەنگێکی بەرز داوای مافەکانی کرد کە بەهۆی گەندەڵی و بەش بەشێنەی سیاسیەوە لێیزەوتکرابو.ئەمڕۆش لە چوارچێوەی وەڵامدانەوەی خۆپیشاندەران، پەرلەمانی عێراق خوێندنەوەی یەکەمی بۆ هەمواری یاسای خانەنشینی عێراق کرد، بە جۆرێك یاساکە هەلی دامەزراندن بۆ 139 هەزار کەس لەرەگەزی نێر، و 63 هەزارکەس لە رەگەزی مێ دەڕەخسێنێت، ئەوەش بە خانەنشینکردنی هەمو ئەو فەرمانبەرانەی تەمەنیان گەیشتۆتە 60 ساڵ.ئەوە لەکاتێکدایە ماوەی 17 رۆژە خۆپیشاندان لە بەغدا و بەشێکی دیكە لە شارەکان بەردەوامە، یەکێک لە ناڕەزاییەکانی خۆپیشاندەران زۆری موچەی بەرپرسان و خانەنشینبونیانە بە موچەیەکی زۆر.لەبەرامبەر داواکاری خۆپیشاندەرانیشدا عادل عەبدولمەهدی، سەرۆک وەزیرانی عێراق بەڵێنی چەندین چاکسازی داوە، یەکێک لەوانەش کەمکردنەوەی موچەی پلە باڵاکانە بۆ نیو ئەوەندە.تا ئێستا بەڵێنەکان خۆپیشاندەرانیان رازینەکردوە و بەردەوامن لە خۆپیشاندان، بەپێی دواین زانیارییەکانیش زیاتر لە 300 کەس کوژران و نزیکەی 15 هەزار کەسیش برینداربون.









زۆرترین بینراو


هەواڵی سەرەکی

⋙ مونافق و دژە شۆڕش دەستیان بووە لە بشێوییەکانی دوێنێ ئێران

⋙ تاكه‌ دۆستی كورد چیاكانی كوردستانه‌

⋙ په‌روه‌رده‌ى خه‌بات ئاگادارییه‌ك بڵاو ده‌كاته‌وه‌

⋙ چاوەدێری کردنی نرخەکان لە بازاڕی کوردستان زیادتر دەبێتەوە

⋙ ئیدارەی خۆسەری: پێویستە دیمەشق بیر لەوە بکاتەوە سوریا ناگەڕێتەوە بۆ هەشت ساڵ لەمەوبەر

ڤیدیۆ هەواڵ
⋙ موشەکەکە بەرپرسانی ئیسرائیلی توشی "سەرسوڕمان" کردوە گروپی سەرایا قودس ڤیدیۆی یەکەمین موشەکی "وێرانکاری" بڵاوکردەوە

⋙ ڤیدیۆ..ئەردۆگان: گەورەترین بێرێزیە بە یەپەگە و پەیەدە بوترێت کورد


زۆرترین بینراو