English | عربي



باسنیوز زانیاری لەبارەی شەڕەکەی ئەمڕۆی لیوای ١٢ی پێشمەرگە بڵاودەکاتەوە

2019/11/10 | 22:24

هەواڵی کوردستان -

بەرپرسێکى باڵاى وەزارەتى پێشمەرگە رایگەیاند دواى دەمەقاڵێى نێوان دوو ئەفسەرى لیواى 12ى وەزارەتى پێشمەرگە لە ئەنجامدا شەڕ دەکەوێتە نێوانیان و دوو ئەفسەر و چەند پێشمەرگەیەک دەبنە قوربانى.

 

لیوا قارەمان شێخ کەمال جێگرى سەرۆکى ئەرکانى وەزارەتى پێشمەرگە بە(باسنیوز) ى راگەیاند: "ئێوارەى ئەمڕۆ یەکشەممە 10/11/2019 لە ئەنجامى دەمەقاڵێى نێوان دوو ئەفسەرى لیواى 12 لە رشتەى پیادەى سەر بە وەزارەتى پێشمەرگە، شەڕەتەقە دروست بوو و لە ئەنجامدا دوو ئەفسەر گیانیان لەدەستدا و پێشمەرگەیەکیش بریندار بوو".

 

راشیگەیاند: "دواى رووداوەکە وەزارەتى پێشمەرگە لێکۆڵینەوەى سەربازى دروستکردووە و پەڕاوى لێکۆڵینەوە بۆ رووداوەکە کراوەتەوە بەمەبەستى گەیشتن بەراستى و دروستى رووداوەکە، لە بەیانییەوە لێژنەکە دەستبەکار دەبێ بۆ دەرخستنى هۆکارى رووداوەکە".

 

جێگرى سەرۆکى ئەرکانى وەزارەتى پێشمەرگە ئاماژەى بە ئەوەش کرد" کەسێک کە پەیوەندى راستەوخۆى بە رووداوى تەقەکردنەکەى نێو بارەگاى لیواى 12 ى وەزارەتى پێشمەرگە هەبووە دەستبەسەرکراوە و بەیانى لەبەردەم ئەنجوومەنى لێکۆڵینەوە ئامادەدەبێت بەمەبەستى لێکۆڵینەوە لەگەڵى".









زۆرترین بینراو


هەواڵی سەرەکی

⋙ هەردوو هاوسەرۆکی شارەوانی ئیپەک یۆلوی شاری وان گیران

⋙ لە گوندی مەسعودیە شەڕێکی قوڕس روودەدات

⋙ لە هەولێر چوارکەس بە تۆمەتى ساغکردنەوەى دەرمانى ماوەبەسەرچوو دەستگیرکران

⋙ هەرێمی کوردستان.. لە شەش ھەزار قوتابخانە تەنیا ھەزاریان توێژەری دەروونییان ھەیە

⋙ وەزارەتی تەندروستی هۆشداری دەداتە نەخۆشخانە تایبەتەكان

ڤیدیۆ هەواڵ
⋙ بە بڵاوكردنەوەی ڤیدیۆ كلیپێك، كازم ساهر پەیام بۆ "گەنجانی عێراق" دەنێرێت

⋙ بە ڤیدیۆوە... چەند پۆلیسێكی ئەمریكی دەبنە باتمان


زۆرترین بینراو