English | عربي



عادل عەبدولمەهدی ژمارەیەک چاکسازی رادەگەیەنێت

2019/11/09 | 14:36

هەواڵی کوردستان - لە بەیاننامەیەکدا باسی بارودۆخی وڵاتەکەی دەکات

سەرۆک وەزیرانی عێراق ژمارەیەکک چاکسازی رادەگەیەنێت و دان بە بەهەڵە بەڕێوەبردنی حوکمڕانیی عێراق لە دوای رووخاندنی رژێمی بەعس لە ساڵی 2003دا دەنێت.

ئەمڕۆ شەممە 9-11-2019، عادل عەبدولمەهدی، سەرۆک وەزیرانی عێراق بەیاننامەیەکی دەرکردووە و تێیدا چەند خاڵێکی لەبارەی بارودۆخی وڵاتەکەی دوای خۆپیشاندانی هاووڵاتییان لە زۆربەی شارەکانی ئەو وڵاتە، خستووەتە روو.

لە بەیاننامەکەدا، عادل عەبدولمەهدی رایگەیاندووە، هەڵەیەکی گەورە لەسیستەمی بەڕێوەبردنی عێراقدا هەیە و دەبێ راست بکرێتەوە.

لە رۆژی 2-10-2019ـەوە، هاووڵاتییانی عێراق لە بەغدا و زۆربەی شارەکانی ئەو وڵاتە دەستیان بە خۆپیشاندان دژی گەندەڵی و نەبوونی خزمەتگوزاری کردووە.

بەهۆی خۆپیشاندانەکان و کەوتنەوەی توندوتیژی تێیاندا، زیاتر لە 500 هاووڵاتی و کارمەندی ئەمنی گیانیان لەدەست داوە و زیاتر لە 12 هەزاری دیکەش بریندار بوون.

خاڵەکانی عەبدولمەهدی:

- خۆپیشاندانەکان گرنگترین رووداون لە مێژووی عێراق لە دوای 2003.

- خۆپیشاندانەکان دەسەڵاتەکان و حزبە سیاسییەکانی عێراقیان ناچار کرد گۆڕانکاری قبوڵ بکەن و هەڵەکان راست بکەنەوە.

- حکوومەت و دەزگای دادوەری بەردەوامی بە لێکۆڵینەوە دادییەکان لە کوژران و برینداربوونی خۆپیشاندەران و کارمەندانی هێزە ئەمنییەکان، دەدەن و سزای یاسایی بەسەر تاوانباران دەسەپێنن.

- گۆڕانکاریی لە پەیکەری کابینەی حکوومەت دەکرێت و بەشێک لە وەزیرەکان دەگۆڕدرێن.

- حزبە سیاسییەکان کاری هەڵەی زۆریان کرد و لە دوای 2003ـەوە دەستیان بەسەر حوکمڕانیدا گرت و رێگایان لە چاکسازی گرت.

- هۆکاری راگرتنی ئینتەرنێت بەکارهێنانی بوو بۆ بڵاوکردنەوەی توندوتیژی و هەڵگەڕانەوە لە دەوڵەت و راگرتنی ژیانی ئاسایی.

- کۆمەڵێک چاکسازی دیکە دەکرێن، کە خۆیان لەم پرسانە دەبیننەوە؛

1/ کەمکردنەوەی مووچەی بەرپرسە باڵاکان بۆ نیوە

2/ چاوخشاندنەوەی بە مووچەی فەرمانبەران

3/ جێبەجێکردنی سیستەمی قەرەبووی کۆمەڵایەتی

4/ جێبەجێکردنی بیمەی کۆمەڵایەتی

5/ مافەکانی کرێکارانی کەرتی تایبەت و خانەنشینکردنیان

6/ قەدەغەکردنی هەڵگرتنی چەک

7/ بەردەوامی لە رووبەڕووبوونەوەی گەندەڵی

8/ بە دادگا گەیاندنی گەندەڵکاران









زۆرترین بینراو


هەواڵی سەرەکی

⋙ راکان جبوری، پارەی ئاوەدانکردنەوەی کەرکوکی لە میوانداری خەرج کردووە

⋙ سیستمی غاز بۆ نانەواخانەكان دابین دەكرێت

⋙ ئاوارە کوردەکانی نیشتەجێ هەرێمی کوردستان بەشداری هەڵبژاردن دەکەن

⋙ به‌ڤیدیۆ.. ساماڵ ساڵح كلیپێكی نوێی بڵاو كرده‌وه‌

⋙ داوای كۆتاییهێنان بە دەسەڵاتی سەربازی لە كەركووك دەكرێت

ڤیدیۆ هەواڵ
⋙ به‌ڤیدیۆ.. ساماڵ ساڵح كلیپێكی نوێی بڵاو كرده‌وه‌

⋙ ڤیدیۆ.. چه‌ند ئامێر و ته‌كنۆلۆژیایه‌كى نوێى تایبه‌ت به‌ كه‌شتى


زۆرترین بینراو