English | عربي



گەورە راوێژكارێكی ئەردۆغان مەترسیی دوورخستنەوەی لەسەرە

2019/11/09 | 11:36

هەواڵی کوردستان -

بەهۆی ئەوەی لە چەند رۆژی رابردوودا، بولەنت ئارینج گەورە راوێژكاری رەجەب تەییب ئەردۆغان رەخنەی لە بڕیارنامەكانی یاسای توركیا گرتووە، بەرپرسانی ئاكەپە داوا دەكەن ئەردۆغان دووری بخاتەوە و سزای توندی بەسەردا بسەپێنێت.

بولەنت ئارینج پێی وابوو (بڕیارنامەی یاسایی) كە ئەردۆغان دەسەڵاتی دەركردنی هەیە، شتێكی خراپە و بە كارەسات ناوی بردووە.

بەهۆی ئەو گوتەیەشەوە لەلایەن میدیاكانی سەر بە ئاكەپە و بەرپرسانی ئاكەپەوە ڕووبەڕووی رەخنەیەكی توند بووەوە، ئەردۆغانیش لە كۆنگرەیەكی رۆژنامەوانیدا ئاماژەی دا كۆبوونەوەیەك لەو ڕووەوە دەكەین و بزانین چۆن ئارینج قسەیەكی لەو شێویەی كردووە.

ئەگەرچی ئاژانسەكانی هەواڵی توركیا بڵاویان كردەوە، كە ئارینج لە كار دوور دەخرێتەوە و بە زۆر دەستی پێ لەكار دەكێشنەوە، بەڵام ئارینج هەر زوو داوای لێبوردنی كردووە و رۆژنامەی (جومهوریەت) ئاشكرای دەكات كە ئارینج بە فەرمی داوای لێبوردنی لە ئەردۆغان كردووە.

جگە لەوەش لە دیمانەیەكیدا لەگەڵ كەناڵی (خەبەر تورك) ئارینج لەڕێگەی تەلەفۆنەوە داوای لێبوردنی كرد و گوتی خۆزگە قسەیەكی لەو شێوەیەم نەدەكرد و من لەپشت سەرۆكەكەمانم.

بەڵام چەند میدیایەكی سەر بە ئاكەپە ئاشكرای دەكەن، ئەردۆغان لەسەر ئەو گوتەیە بە ئاسانی لێی خۆش نابێت و رەنگە لە داهاتوویەكی نزیكدا دووری بخاتەوە.

بولەنت ئارینج لە ٢٠١٥ بەهۆی ئەوەی رەخنەی لە ئەردۆغان گرت و گوتی وەكوو سەرۆك كۆمار بۆی نییە دەست لە كاروباری حكوومەت وەربدات، چونكە ئەوەی بڕیار دەدات سەرۆك وەزیرانی توركیایە، كە مەبەستی ئەحمەد داودئۆغلو بوو، بۆیە لەو كاتەوە لە ئاكەپە و حكوومەت دوور خرابوەوە و پاشان ئەردۆغان هێنایەوە بۆ ناو كۆشكی كۆماری و پۆستی راوێژكاری پێ درا.









زۆرترین بینراو


هەواڵی سەرەکی

⋙ دەستەی ژینگە: زبڵ و خاشاک مەترسییەکی گەورەیە بۆ سەر ژینگەی هەرێمی کوردستان

⋙ شاره‌زوور.. پرۆسه‌ى دابه‌شكردنى نه‌وت ده‌ستپێده‌كات

⋙ حكومەتەكەی عادل عەبدولمەهدی گومرگی لەسەر ئۆتۆمبێلی كارەبایی هەڵگرت

⋙ مەرزەکانی هەرێمی کوردستان بە سیستەمێکی ئەلیکترۆنی بە وەزارەتی دارایی دەبەسترێنەوە

⋙ ئەردۆگان: بەردەوام دەبین لە هێرشەكانمان تا هەمو یەپەگە لەناودەبەین

ڤیدیۆ هەواڵ
⋙ وێنە و ڤیدیۆ..پایتۆنێك هەوڵدەدات پڵنگێك بكاتە یەك پارو، بەڵام زو پەشیمان دەبێتەوە

⋙ ڤیدیۆ.. چه‌ند ئامێر و ته‌كنۆلۆژیایه‌كى مۆدێرن بۆ دروستكردنى خانوو


زۆرترین بینراو