English | عربي



گەورەترین ڕۆمانووسی عەرەب بەم شێوەیە باسی كوردستان دەكات

2018/04/17 | 23:18

هەواڵی کوردستان -

ئەمڕۆ سێشەممە عەلا ئەسوانی كە بە گەورەترین ڕۆمانووسی زیندووی عەرەب دەناسرێ، لە وتارێكیدا بەناوی (گوێڕایەڵی دەسەڵاتداری سەپاو بن)، كە ئەمڕۆ بڵاوی كردووەتەوە، باس لە كوردستان و كیمیابارانكردنی گەلی كورد و بێ هەڵوێستی شەقامی عەرەبی دەكات.

 

ئەسوانی لە وتارەكەیدا، كە لە تۆڕی میدیایی DWی ئەڵمانیدا بڵاوی كردووەتەوە، بەتوندی ڕەخنەی لە سۆز و خۆشەویستیی گەلی عەرەب گرتووە بۆ سەركردە و دەسەڵاتدارە دیكتاتۆرەكانیان، لەوانەش سەدام حوسێن كە هەزاران كوردی كیمیاباران كردووە، كەچی هێشتا عەرەب خۆشەویستیان بۆ ئەو سەركردە لەسێدارەدراوەیان هەیە.

ئەم رۆماننووسە ناودارە، كە رۆمانەكانی بۆ چەندین زمانی زیندووی جیهان وەرگێڕدراون، لە بەشێكی وتارەكەیدا نووسیویەتی "سەدام حسێن ساڵی 1988 تاوانی كۆمەڵكوژی دەرهەق كوردستان ئەنجام دا، فڕۆكەكانی سوپای عێراقی ناردە سەریان و چەكی كیمیایی لە دژی كورد بەكارهێنا و هەزاران كوردی بێتاوانی كوشت.

كەچی سەیرەكەی لەوەدایە، سەرباری ئەو تاوانە قێزەونانە، جەماوەری سەدام لە شەقامی عەرەبی كاریگەر نەبوون، ئێستەش زۆر لە عەرەب تاوانەكانی سەدام تەنها بە خاڵێكی نەرێنی دەبینن، كە نابێتە هۆی ئەوەی لە كەسایەتیەكەی كەم بكاتەوە وەك پاڵەوانێكی نەتەوەیی".

 

ئێرە كلیك بكە بۆ خوێندنەوەی دەقی وتارە عەرەبیەكە










زۆرترین بینراو


هەواڵی سەرەکی

⋙ کۆماری دووەم لە تورکیا

⋙ کۆنفرانسی نێودەوڵەتی تێدێکس نیشتمان لە هەولێر دەستیپێکرد

⋙ له‌ دوای ئه‌و وه‌زاره‌تانه‌..دابه‌شکردنی موچه‌ی مانگی نیسان کۆتایی دێت

⋙ كەشناسی هەرێم كەشوهەوای ئەمڕۆو سبەی راگەیاند

⋙ ئەمریکا هاوکاری سەربازی پێشکەش بە ئۆکرانیا دەکات

ڤیدیۆ هەواڵ
⋙ بەڤیدیۆ.. ھێلی لەڤ لە دوبەی دەردەکەوێتەوە

⋙ بەڤیدیۆوە... لە دیوانیە خۆپێشاندەرێكی تر كوژرا


زۆرترین بینراو