English | عربي



گەرمیان.. جەخت لەسەر بانگەشەیەکی بێ توندوتیژی کرایەوە

2018/04/17 | 15:30

هەواڵی کوردستان -

لە کۆبوونەوەی قایمقامی کەلار، نوێنەری لایەنە سیاسییەکان، جەخت لەسەر بانگەشەیەکی بێ توندوتیژی کرایەوە.

 

ئەمڕۆ سێشەممە 1742018، قایمقامیەتی کەلار، لە راگەیەندراوێکدا، ئاماژە بەوە دەدات، کە ‌‌شه‌هاب حاجى ئه‌حمه‌د، قایمقامی کەلار، له‌گه‌ڵ نوێنه‌رى لایه‌نه‌ سیاسییه‌كان كۆبووه‌وه‌ و له‌ كۆبوونه‌وه‌كه‌دا داواى لێكردن له‌ پێناو پاراستنى ئه‌منیه‌تى شارى كه‌لار و له‌به‌رچاوگرتنى ره‌وشى ژیان و گوزەرانى هاووڵاتییان بانگه‌شه‌یه‌كى دوور له‌ توندوتیژى و كێشه‌و گرفت ئه‌نجام بده‌ن، به‌ جۆرێك نموونه‌یه‌كى جوان پێشكه‌ش بكه‌ن كه‌ جێگاى خۆشحاڵى هه‌موولایه‌ك بێت.

 

بەپێی راگەیەندراوەکەدا، قایمقامی کەلار، داواشى لێكردوون، کە پابه‌ندبن به‌ بڕیار و رێنماییه‌كانیان كه‌ له‌ ئه‌نجامى كۆبوونه‌وه‌یان له‌گه‌ڵ لایه‌نه‌ ئه‌منى و ئیدارییه‌كانى ناوچه‌كه‌ و كۆبوونه‌وه‌ى حزبه‌كان له‌ گه‌ڵ ئیداره‌ى گه‌رمیان پێشنیاركراون و خراونه‌ته‌روو.

 

ئەوەش روون کراوەتەوە، لاى خۆیانه‌وه‌ نوێنه‌رى لایه‌نه‌كان جه‌ختیان له‌ بانگه‌شه‌یه‌كى ته‌ندروست و دوور له‌ ژاوه‌ژاو بێزاركردنى یه‌كتر و هاووڵاتییان كردووه‌ و هه‌روه‌ها پابه‌ندبوونى خۆیانیش بۆ بڕیاره‌كانى كۆمسیۆن و رێنمایى و بڕیاره‌كانى لایه‌نى ئیدارى سنووره‌كه‌ش ده‌ربڕى.










زۆرترین بینراو


هەواڵی سەرەکی

⋙ کۆماری دووەم لە تورکیا

⋙ کۆنفرانسی نێودەوڵەتی تێدێکس نیشتمان لە هەولێر دەستیپێکرد

⋙ له‌ دوای ئه‌و وه‌زاره‌تانه‌..دابه‌شکردنی موچه‌ی مانگی نیسان کۆتایی دێت

⋙ كەشناسی هەرێم كەشوهەوای ئەمڕۆو سبەی راگەیاند

⋙ ئەمریکا هاوکاری سەربازی پێشکەش بە ئۆکرانیا دەکات

ڤیدیۆ هەواڵ
⋙ بەڤیدیۆ.. ھێلی لەڤ لە دوبەی دەردەکەوێتەوە

⋙ بەڤیدیۆوە... لە دیوانیە خۆپێشاندەرێكی تر كوژرا


زۆرترین بینراو