English | عربي



ل دهۆكێ بیرەوەریا شورەشا ئەیلوولێ هاتە ساخکرن

2019/09/11 | 21:54

هەواڵی کوردستان - ئه‌ڤرۆ نیوز: ل بیره‌وه‌ریا سالیادا 58 یا شوره‌شا ئه‌یلوولێ، ئه‌ڤرۆ چارشه‌مبى 11/9/2019 ب ئاماده‌بونا سەربەست تروانشی بەرپرسێ لقێ ئێک یێ پارتی دیموکراتی کوردستان و فه‌رهاد ئه‌مین  پارێزگه‌رێ دهوك وهژمارەکا به‌رپرسێن حزبى وئیدارى وله‌شكرى وجه‌ماوه‌رى وپێشمه‌رگێن شورەشا ئه‌یلوولێ وئه‌ندام ولایه‌نگرێن پارتى دیموكراتى كوردستان ل سنورێ لقێ ئێك ئاهه‌نگه‌كا تایبه‌ت هاته‌ گێران.

 سه‌ربه‌ست تروانشى، ئه‌ندامێ جڤاتا سه‌ركردایه‌تیا پارتى دیموكراتى كوردستان وبه‌رپرسێ لقێ ئێك ب ڤێ هه‌لكه‌فتێ په‌یڤه‌ك پێشكێشكر وگوت” ئه‌ڤرۆ بۆمه‌ شانازیه‌كا مه‌زنه‌ ئه‌م د رۆژه‌كا پیرۆز دا 58 سالیا شوره‌شا ئه‌یلوولا مه‌زن د گێرین كو مه‌زنترین شوره‌ش بوو ل سه‌ر ئاستێ كوردستانێ وئه‌ڤ هه‌لكه‌فته‌ ل سه‌رۆك بارزانى وهه‌موو ئه‌ندام وكادرێن پارتى وخه‌لكێ كوردستانێپیرۆز بیت”.

هه‌روه‌سا گوت”ده‌مێ شوره‌شێ ده‌ست پێكرى زورداریێ هه‌موو كوژیێن كوردستانێ تاری كربون وبارزانیێ نه‌مر هزركر خول دۆزا كوردى خودان ده‌ركه‌ڤیت وپیڤه‌رێ شه‌رێ ئازادیێ دروستكر وملله‌تێ كورد ب هه‌موو شیانێن خوه‌ بوو پشته‌ڤان بۆ بارزانى وه‌كو رێبه‌ره‌ك بۆ شوره‌شا ئازادیخوازا كوردستانێ” .

گۆت ژى” ل وى سه‌رده‌مى بارزانیێ نه‌مر ب شیانێن كێم مه‌زنترین سه‌ركه‌فتن ل سه‌ر داگیركه‌ران توماركرن وهه‌رده‌م خزمه‌تا خه‌لكێ كوردستانێ دكر وداكوكى ل سه‌ر ئێكرێزیا ملله‌تێ كورد دكر وئه‌ڤرۆ  ژى سه‌رۆك مسعود بارزانى به‌رده‌وامى دایه‌ وێ رێبازێ وداكوكیێ ل ئێكرێزى وئێك ده‌نگیا هه‌موو خه‌لكێ كوردستانێ دكه‌ت”.

هه‌روه‌سا گوت” ده‌ستكه‌فتێن مه‌زن بده‌ست مه‌ڤه‌ یێن هاتین وئه‌م هه‌موو قه‌ردارێن خوینا شه‌هیدا وسه‌رۆك مسعود بارزانى نه‌ ودڤێت ئه‌م هه‌موو بزاڤێ بكه‌ین ڤان ده‌ستكه‌فتان ب پارێزین”.

هه‌ر ب وێ هه‌لكه‌فتێ، سه‌ربه‌ست تروانشى ئه‌ندامێ به‌رپرسێ لقێ ئێك وفه‌رهاد ئه‌مین  پارێزگه‌رێ دهۆكێ خه‌لاتێن رێزگرتنێ ل سه‌ر هژماره‌كا شه‌هیدێن زیندى په‌كه‌فتیێن پێشمه‌رگه‌ به‌لاڤكرن.









زۆرترین بینراو


هەواڵی سەرەکی

⋙ ئامڕۆ موچەی ئەم شوێنانە دابەشدەکرێت

⋙ پارتی داوای یەک لیستی دەکات

⋙ جیهان لە 100 چرکەدا - 16-09-2019

⋙ هۆرەی هەواران - تایبەتە بەرنامەی موسیقیایی - 16-09-2019

⋙ ترووسکە - لێکدانه‌وه‌ی لیبرالیسم

ڤیدیۆ هەواڵ
⋙ ب ڤیدیۆ .. تابلویێ تیپا دهۆک یا هونەرێ مللی د ناڤ فلمه‌ ڤیسته‌ڤالا دهۆكێ دا

⋙ به‌ڤیدیۆ.. نازدار جزیری كلیپێكی نوێی بڵاوكرده‌وه‌


زۆرترین بینراو