English | عربي



سۆران.. ئەمساڵ بەرهەمی هەنگوین لە زیادبووندایە

2019/09/10 | 16:54

هەواڵی کوردستان -

هەنگەوانانی شارەدێی سیدەكان لە دەڤەری سۆران، ئاشكرای دەكەن، كە ئەمساڵ بە شێوەیەكی بەرچاو بەرهەمی هەنگوین زیادی كردووە.

 

  ئەمین ڕەشید حافز، هەنگەوانی ناسراوی دانیشتووی شارەدێی سیدەكان لە دەڤەری سۆران، بە (باسنیوز)ی راگەیاند: "چەندین ساڵە كاری بەخێوكردنی مێشەهەنگ دەكەم، بەمەش توانیوامە بار و گوزرانی خۆم و خێزانەكەمان بەڕێوە ببەم و ساڵانە داهاتێك بۆ خۆمان دەستەبەر بكەین، وەك دیاریشە سنوورەكەمان بەتایبەت كوێستانەكانی سیدەكان ئاو هەوایەكی پاك و دڵڕەفێنی هەیە، بەمەش ساڵانە لەگەڵ هاتنی وەرزی بەهار هەنگەكانمان دەگوازینەوە بۆ ئەم شوێنانە، تا ئەو كاتەی بەرهەمی هەنگوینەكە دەبڕینەوە، ئەوكات جارێكی دیكە هەنگەكانمان دەگوازینەوە بۆ سیدەكان، واتە هاوشێوەی كاری ئاژەڵداری بۆ بەهێزبوون و مانەوەی هەنگەكانمان و بەدەستهێنانی داهاتی زیاتری هەنگوین، ساڵانە كوێستان و گەرمیان دەكەین و ئەزموون و شارەزاییی تەواویشمان لەم ڕووەوە پەیدا كردووە".

 

  گوتیشی: "دیارە بەرهەمی هەنگوین لە ساڵێکەوە بۆ ساڵێكی دیكە جیاوازە، چونكە زۆر جار هەنگەكانمان بەهۆی بڵاوبوونەوەی نەخۆشییەك تووشیی لەناوچوون بوونەتەوە، هەروەها لەم ساڵانەی رابردووشدا بەهۆی باردۆخی سەربازیی ناوچە سنوورییەكان و بوونی بۆردومانەكانی ئێران و توركیا لەم ناوچانە زیانی زۆری بۆ هەنگەکانمان و كەمبوونەوەی بەربوومی هەنگوین هەبووە، بەڵام خۆشبختانە ئەمساڵ بە شێوەیەكی گشتی بەرهەمی هەنگوین لە بەرزبوونەوەو هەڵكێشاندایە، وەك دیاریشە هەنگوینەكەی من سروشتییە، چونكە من شەكر و ئەم جۆرە شتانەیان پێ نادەم، بەمەش خواستی زۆری كڕینی لەسەرە لەلایەن هاووڵاتییانەوە و تەنانەت ئەم كوردانەی لە دەرەوەی وڵاتیشن داوای دەكەن و هەر یەكە و چوار پێنج كیلۆ لەگەڵ خۆیان دەبەنەوە و دەڵێن هەنگوینی سروشتی دەرمانە".

 

  ئەم هەنگاوانە دەشڵێت: "ئەم هەنگوینەی كە بەرهەمی دەهێنین، بەپێی ئەوەی سروشتییە نرخی هەر كیلۆیەك بە (55 تا 70) هەزار دینار بە موشتەرییەكان دەیفرۆشینەوە، هەرچەندە ئەگەر بەپێی جۆر و تایبەتمەندیی هەنگوینەكە بێت، دەبێت نرخەكەی زۆر لەمە بەرزتر بێت، بەڵام ئێمە هەوڵ دەدەین بە نرخێكی گونجاو بە هاووڵاتییان بیفرۆشینەوە، لە هەمانكاتیشدا هەنگوین هەیە نرخەكەی زۆر لەمە هەزانترە و هۆكارەكەشی ئەوەی شەكر بە هەنگەكان دەدرێت و بە هەنگوینی سروشتی هەژمار ناكرێت، ئەویش موشتەریی خۆی هەیە".

 

  ئەمین ڕەشید، ئەوەش ئاشكرا دەكات: "ئێستا نزیكەی 200 سەد پورە هەنگی هەیە، كە بە شێوەی کەندوو و خەلیف بەخێویان دەكات، هەوڵیش دەدات رێژەكە زیاتر بەرز بكاتەوە و دەشڵێت: "ئەگەر حكوومەت هاوكاریمان بكات و پێداویستییەكانمان بۆ دابین بكات، دەتوانین بە شێوەیەكی بەرچاو داهاتی هەنگوینی خۆماڵی بەرز بكەینەوە، كە جگەلە شارەكانی كوردستان بەرهەمەكە رەوانەی دەرەوەی وڵاتیش بكرێت، ئەمەش كاریگەری باشی بۆ بووژانەوەی ئابووریی وڵات دەبێت و دەتوانین پشت بە داهاتی خۆمان ببەستین".









زۆرترین بینراو


هەواڵی سەرەکی

⋙ وەزارەتى کار پڕۆژەیەک بۆ پاراستنى مافى منداڵان ئامادە دەکات

⋙ ل دور ده‌رئێخستنا ماموستایه‌كێ په‌روه‌ردا ئامێدیێ ب رێكا باسنیوز رونكرنه‌كێ دده‌ت

⋙ ژمارەیەک هونەرمەندی گەنجی دەربەندیخان دیوارەکانی باخچەی ساوایان دەنەخشێنن

⋙ تورکیا جە گرێسپی کۆمەڵکوشیش ئەنجام داۋە

⋙ پێشانگای نێودەوڵەتی ھەولێر بۆ كشتوكاڵ و پاكەتكردن كرایەوە

ڤیدیۆ هەواڵ
⋙ ڤیدیۆ؛ چۆنێتی گۆڕینی رەنگی هەشتپێ لەکاتی جوڵەدا

⋙ ڤیدیۆ؛ فڕۆکەکانی ئیسرائیل بارەگاکانی سوپای پاسداران لە دیمەشق بۆردومان دەکەن


زۆرترین بینراو