English | عربي



لە هەولێر زێدەڕۆیی سەر شۆستە و شەقامەکان لادەبردرێن

2019/09/09 | 01:00

هەواڵی کوردستان -

قایمقامى قەزاى ناوەندى هەولێر رایگەیاند بەهاوکارى شارەوانییەکانى هەولێر هەڵدەستین بە لابردنى سەرجەم ئەو زیادەڕۆییانەى کراونەتە سەر شوێنە گشتییەکان و شەقام و شۆستەکانى ناوشارى هەولێر.

 

نەبەز عەبدولحەمید قایمقامى قەزاى ناوەندى هەولێر بە (باسنیوز) ى راگەیاند: " بەهۆى دروستبوونى قەیرانى دارایى و ئەو بارودۆخە ناهەموارەى کوردستانى پێدا تێپەڕى ژمارەیەکى زۆرى هاووڵاتییان زیادەڕۆییان کردە سەر شۆستە و شەقامە سەرەکییەکانى ناوشارى هەولێر بۆ دابینکردنى بژێوى ژیانیان، ئەم دیاردەیە زۆر پەرەى سەندووە و بۆتە هۆى ناشیرن کردنى سیماى شار و رێگریکردن لە چەند پڕۆژەیەکیش بۆیە بڕیاردراوە بەلادانى سەرجەم ئەو زیادەڕۆییانەى کەکراونەتە سەرموڵکى گشتییەوە".

 

ناوبراو ئاماژەى بە ئەوەش کرد" بۆ لادانى ئەو زیادەڕۆییانە هەڵمەتێکمان دەستپێکردووە بەهاوکارى هەر شەش شارەوانییەکانى هەولێر بەپێى سنوورى جوگرافیان، بۆ لادانى تەواوى ئەو زیادەڕییانەى کراونەتە سەر موڵکى حکوومەت لەشێوەى کەپر و دوکان و کابینە و عەرەبانە".

 

قایمقامى قەزاى ناوەندى هەولێر راشیگەیاند" سەرجەم شارەوانییەکان پلانى لابردنى زیادەڕۆییەکانیان هەیە چونکە بەپێى یاسا داگیرکردنى موڵکى گشتى یاساغ کراوە جا ئەو زیادەڕۆییە دروستکردنى خانوووبێت یان دوکان یان عەرەبانە یان بەهەر جۆرێکى دیکە، ئەو زیادەڕۆییانەى ئەوڕۆش لابردران ببونەهۆکارى وەستانى دووپڕۆژە لەسنوورى شارەوانى شەش، بۆیە ئێمە بەردەوام دەبین لە پاڵپشتیکردنى ئەو هەڵمەتانە بەهاوکارى دەزگا ئەمنییەکان لە پۆلیس و پۆلیسى شارەوانى و فەرماندەیى پێشمەرگەى زێرەڤانى".









زۆرترین بینراو


هەواڵی سەرەکی

⋙ قۆڵبەست کرانی٣٩١ کەس لەتورکیا لە سێ رۆژی ڕابردوودا بەتۆمەتی ڕەخنەگرتن لە هێرشی سوپای تورکیا بۆسەر باکوری سوریا

⋙ درێژەی پەلامارە ئاسمانییەکانی عەرەبستان بۆسەر باکور و رۆژاوای یەمەن

⋙ رۆیتەرز : هەڵس و کەوتی ئەمریکا لەگەڵ کوردانی سوریا دەبێتەمایەی لاوازیی هەرێمی کوردستانی ئێراق

⋙ ۱۰۰۰ پەنابەری کوردی سووریا هاتوونەتە هەرێمی کوردستان

⋙ کۆبونەوەی سەرۆکی هەرێمی کوردستان و لایەنە سیاسیەکان دەستیپێکرد

ڤیدیۆ هەواڵ
⋙ ڤیدیۆی چرکە ساتی بۆردومانی هاووڵاتیانی سەرێ کانی بڵاوکرایەوە

⋙ ڤیدیۆ..کوردانی ئەمریکا لە بەردەم کۆشکی سپی داوای چونە دەرەوەی تورکیا دەکەن لەرۆژئاڤا


زۆرترین بینراو