English | عربي



شێخ جەعفەر موستەفا: من تەنیا پێشمەرگەی حزبێک نیم

2019/08/22 | 12:06

هەواڵی کوردستان - "کوردستان پێویستی بە سوپایەکی یه‌كگرتووی پێشمەرگە هەیە"

بەرپرسی یەكەی ٧٠ی هێزی پێشمەرگەی کوردستان کە هاوکات ئەندامی مەکتەبی سیاسیی یەكێتیی نیشتمانیی کوردستانە ڕای دەگەیەنێت، كوردستان پێویستی بە سوپایەكی یەكگرتووی پێشمەرگە هەیە.

 

شێخ جەعفەر مستەفا، كاندید بۆ وەرگرتنی پۆستی جێگری سەرۆكی هەرێمی کوردستان و بەرپرسی یەكەی ٧٠ی پێشمەرگە بە (باسنیوز)ی ڕاگەیاند: "هەر كاتێك فەرمانی سەرۆكایەتیی هەرێم دەركرا، ئەوا ئێمە دەست بەكار دەبین و هەر دەسەڵاتێكمان بۆ دیاری بكرێت، جێبەجێی دەكەین و یارمەتیدەر و هاوكاری سەرۆكی هه‌رێم دەبین بۆ كارەكانی".

 

جەختیشی كردەوە: "من پێشمەرگەی حزبێك نیم، بەڵكوو پێشمەرگەی میللەتێكم و بۆ یەكێتی و یەكڕیزیی میللەتم بووم بە پێشمەرگە و ئەوانەی دەبن بە پێشمەرگەی حزبێك، خۆیان بچووك دەكەنەوە، من تەنیا ئەندامی یەكێتیی نیشتمانیم، بۆیە هیچ جیاوازییەك لە نێوان لایەنێك بۆ لایەنێكی دیكە ناكەم".

 

شێخ جەعفەر مستەفا ئەوەشی خستە ڕوو: "هەر بەرپرسیارێتییەك بخرێتە سەرشانم، بۆ دروستكردنی سوپایەكی پێشمەرگە لە سەرتاسەری كوردستان، ئەوا یارمەتیدەر و هاوكار دەبم بۆ حكوومەت و وەزارەتی پێشمەرگە و ئەو شوێنانەی سەرقاڵی دروستكردنی ئەو هێزە دەبن".

 

بەرپرسی یەكەی ٧٠ی پێشمەرگە، دروستكردنی هێزێكی یەكگرتووی پێشمەرگە بە "ئەركێكی نیشتمانی و نەتەوەیی" وەسف دەكات و باس لەوەش دەكات: "هەموو توانای خۆمی بۆ دەخەمە گەڕ بەبێ ئەوەی نیازی هیچم هەبێت و ئێستا كوردستان سەرۆكایەتی و حكوومەت و پەرلەمانی هەیە، بۆیە پێویستمان بە هێزی حزب نییە و هێزێكی یەكگرتووی پێشمەرگەمان پێویستە".

 

شێخ جەعفەر موستەفا گوتیشی: "ئەو سوپایەی پێشمەرگە دەبێتە زامنی پاراستنی دەستكەوتەكانی كوردستان، بۆ ڕووبەڕووبوونەوەی هەموو ئەو هەڕەشانەی كە لە دەرەوە و ناوەوە لەم دەستكەوتانە دەكرێت، هەروەها دەبێتە گەرەنتییەک بۆ پاشەڕۆژ و سەربەخۆیی میللەتەكەمان".

 

جگە لە شێخ جەعفەر، بزووتنەوەی گۆڕانیش مستەفای سەید قادری بۆ پۆستی جێگری سەرۆکی هەرێمی کوردستان کاندید کردووە، بەڵام هێشتا بە فەرمی لەلایەن نێچیرڤان بارزانی، سەرۆکی هەرێمی کوردستانەوە فەرمانی دانانیان لە پۆستی جێگری سەرۆکی هەرێمی کوردستان بۆ دەرنەکراوە.









زۆرترین بینراو


هەواڵی سەرەکی

⋙ رۆژنامەنوسێك: سەرۆك كۆمارى عێراق و چەند لایەنێك ئاراستەى دۆخى رۆژئاڤایان گۆڕى

⋙ بابەکر زێباری: دۆخی خراپی عێراق و سووریا رێگا خۆشکەرە بۆ سەرهەڵدانەوەی داعش

⋙ لە سۆران هه‌لى كار بۆ ده‌یان خاوه‌ن پێداویستیى تایبەت ده‌ڕه‌خسێندرێت

⋙ بەختیار عەلی لەسەر دۆخی رۆژئاڤا بۆچونی خۆی دەربڕی

⋙ فڕۆكەكانی هاوپەیمانان كاروانێكی هێزەكانی ڕژێمی ئەسەدیان كردە ئامانج

ڤیدیۆ هەواڵ
⋙ ڤیدیۆ؛ کاروانێکی خەڵکی سڤیل لەلایەن فڕۆکەکانی تورکیاوە بۆردومانکرا

⋙ بەڤیدیۆ.. توركیا كاروانێكی ئۆتۆمبێلی هاووڵاتییان له‌ سه‌رێكانی بۆردومان کرد


زۆرترین بینراو