English | عربي



کشتوکاڵی سلێمانی: شووتی پێنجوێن لە هی وڵاتانی دەرەوە باشترە

2019/08/15 | 19:18

هەواڵی کوردستان - گرتە ڤیدۆییەكە بێ بنەمایە و بۆ شكاندنی بەرهەمی ناوخۆیە

ئێوارەی ئەمڕۆ پێنجشەممە بەڕێوەبەری گشتیی کشتوکاڵی سلێمانی ڕایگەیاند ئەو گرتە ڤیدۆییەی لەبارەی شووتی پێنجوێنەوە بڵاوكراوەتەوە بێ بنەمایە، ئەو کەسەی قسەش دەکات، هیچ زانیارییەکی زانستی لەسەر ئەو مادانە نیە، دەنا شووتی پێنجوێن باشترە لە هی وڵاتانی دەرەوە.

شەماڵ جەمال بەڕێوەبەری گشتیی کشتوکاڵی سلێمانی بە (باسنیوز)ی ڕاگەیاند "گرتە ڤیدۆییەکەم بینی و ئەو کەسەی قسە لەسەر مادەکان دەکات، بێ ئاگایانە قسە دەکات، قسەکانیشی هیچ بنەمایەکی زانستیان نیە، چونکە ئەو مادانە کالیسیۆمیان تێدایە، لە زەوییەک بەکاردێت كە مادەی کالیسیۆمی کەم بێت، مادەی یۆری و هیومارایتسی تێدایە، هەندێک لەو مادانە بۆ قەدی ڕووەک و بەرهەمەکەی و سەوزاییەکەی بەکاردێت، لە هەموو جیهانیشدا ئەم مادانە بەکاردێن و هیچ زیانیان نیە و کاریگەریشی لەسەر تام نیە".

 

بەڕێوەبەری گشتیی کشتوکاڵی سلێمانی ئەوەشی گوت "لەبری ئەوەی بازاڕ بۆ جوتیارانی خۆمان دروست بکرێ، کەسانێکی نابەرپرس و نائاگا دێن بەم جۆرە کار لەسەر شکانی بەرهەمی جوتیاران دەکەن، ئەم کارە تەنیا بۆ شکاندنی بەرهەمی ناوخۆیە".

ئاماژەی بەوەش کرد "دڵنیایی دەدەینە هاووڵاتیان لە بەکارهێنانی ئەم بەرهەمانە و بەرهەمی ناوخۆ زۆر ئەمینتر و باشترە لە بەرهەمی دەرەکی، چونکە تەواوی ئەو مادانەی جوتیاران بەکاری دێنن لە بازارەکانی سلێمانی و هەولێر دەیکڕن، ئەو بازارانەش لە ژێر کۆنترۆڵی قایمقامییەتەکان و ئێمەدان، هەر مادەیەکی زیانبەخش ببینرێ، دەستی بەسەردا دەگیرێ و خاوەنەکەشی سزا دەدرێت"ٚ.









زۆرترین بینراو


هەواڵی سەرەکی

⋙ ب وێنه‌ – ئاهه‌نگا گه‌را حه‌فتێ یا ده‌رچۆنا قوتابیێن زانکۆیا پولیتەکنیکی یا دهۆک

⋙ مه‌سرور بارزانى پێشوازيێ ل جێگرێ سه‌رۆكێ خاچا سوور يا نێڤده‌وله‌تى دكه‌ت

⋙ سەرۆكی هەرێمی كوردستان پشتگيری بۆ سه‌قامگيريى عێراق دووپات ده‌كاته‌وه‌

⋙ پەرلەمانتارێک: پەرلەمانی کوردستان پشتگیری لە بەهەمیشەییکردنی فەرمانبەرانی گرێبەست دەکات

⋙ "سه‌ردانی نێچیرڤان بارزانی بۆ گه‌یاندنی په‌یامی پاڵپشتی بوو بۆ چاره‌سه‌ركردنی دۆخی عێراق"

ڤیدیۆ هەواڵ
⋙ ڤیدیۆ..خولێکی هونەری بەرگری کردن بۆ ڕۆژنامەنوسان و چالاکوانانی کچ دەکرێتەوە

⋙ پۆلیسی سلێمانی گرتە ڤیدیۆیەکی تازە لە کەیسی کوژرانی ئامانج بابانی و لانە محەمەد بڵاو دەکاتەوە


زۆرترین بینراو