English | عربي



دەستگیركردنی ئاوارە سوورییەكان لە توركیا كێشەیەكی گەورەی بۆ وڵاته‌كه‌ دروست كردووە

2019/08/13 | 17:42

هەواڵی کوردستان - ئاوارەیەك بۆ (باسنیوز): ”گەر بمگێڕنەوە ئەو شوێنەی لێی هاتووم، خانەوادەكەم برسی دەبن“

 

لە ٢٠١١وە لەوكاتەی شەڕی ناوخۆیی لە سووریا بەرپا بوو، سوورییەكان ئاوارەی توركیا بوون و لە كەمپەكانی (روحا، عەنتاب، هەتای، كیلیس) شوێنیان بۆ كرایەوە، بەڵام بەشێكی زۆریشیان كۆچیان كرد بۆ (ئیستەنبوڵ، ئەنكەرا، ئیزمیر)، پارێزگاری ئیستەنبوڵ لە لێدوانێكیدا بۆ دەزگاكانی ڕاگەیاندن ئاماژەی به‌وه‌ دا كە ئەو سوورییە ئاوارانەی لە شارەكانی دیكه‌ى توركیاوە كۆچیان بۆ ئیستەنبوڵ كردووە، ڕەوانەی ئەو شارەیان دەكەینەوە، لە لای خۆشییەوە سولەیمان سویلو، وەزیری ناوخۆی توركیا ئاشكرای كرد كە لە ماوەی یەك هەفتەدا ١٢ هەزار ئاوارەی سوورییان بۆ كەمپەكان ڕەوانە كردووە و لە شارە گەورەكاندا دەستگیریان كردوون.

بەشێكی زۆری ئەو كۆچبەرانەی لە شارەكانی دیكه‌ى توركیاوە بۆ ئیستەنبوڵ و ئەنكەرا هاتوون، بۆ (باسنیوز) قسە دەكەن، كە پەیامنێری (باسنیوز) لە ئیستەنبوڵەوە قسەی لەگەڵ كردوون و ئاماژە به‌وه‌ دەدەن كە لەو شوێنەی بە فەرمی ناویان وەكوو ئاوارە تۆمار كراوە، هیچ یاسایەك نایانگرێتەوە و كاتێك كار دەكەن، مەرجەكانی كاركردنیان بۆ هەژمار ناكرێت، هەروەها كاتێك لە كامپەكاندا كار دەكەن مانگانە تەنیا ١٢٠ لیرەیان پێ دەدەن.

ئەوان بەهانەیان ئەوەیە كە كەمپەكان جێ دەهێڵن تا كار بكەن و داهاتەكەشیان بۆ خانەوادەكەیان بنێرن لە كەمپەكانی توركیادا، بەڵام وەكوو ئەوەی خۆیان دەڵێن گەر بگەڕێندرێنەوە بۆ كەمپ، "لە برسان دەمرن".

كۆمەڵەی لێكۆڵینەوە لە كۆچ و كۆچبەران، ئەو ڕەفتارەی توركیا لەگەڵ پەنابەرە سوورییەكان دەیكات بە پێشێلی یاسا دەزانێت و دەڵێت پێویستە دەستگیركردنی ئاوارەكان ڕابگیرێت و نەگەڕێندرێنەوە ئەو شارەی كەمپیان بۆ كردوونەتەوە.

یڵدز ئۆنەن كەمپینی (نا بۆ نەژادپەرستی) ڕاگەیاندووە و پێی وایە ئاوارە سوورییەكان لە شوێنی خۆیان توندوتیژییان بەرامبەر كراوە، بۆیە وڵاتی خۆیان جێ هێشتووە، بۆیە نابێت لێرەش توندوتیژییان بەرامبەر بكرێت.

ئەو دەڵێت: ”ئەو ئاوارە سوورییانە بە ئومێدێكی زۆرەوە هاتوون بۆ ئیستەنبوڵ و لێرە كاریان دۆزیوەتەوە و بژێویی ژیانیان دابین دەكەن، بۆیە دەبێت ئێمە بۆ لەمەودوا لەگەڵ ئەواندا بژین نەك دەستگیریان بكەین و بیانگەرێنینەوە و دەبێت فێربین بە یەكەوە بژین“.

یەكێك لەو ئاوارە سوورییانە لەگەڵ هاتنی بۆ توركیا لە كامپی عەنتاب دانرا، ئەو بۆ (باسنیوز) قسە دەكات و دەڵێت: ”كاتێك شەڕ لە وڵاتەكەماندا هەڵگیرسا، خەباتمان كرد تا وڵاتەكەمان بەجێ نەهێڵین، بەڵام كاتێك شەڕ هاتە بەر دەرگامان بە ناچاری ژیانی ئاوارەییمان هەڵبژارد و هاتینە كەمپی عەنتاب، بەڵام لەوێ ئێمەی كورد و ئاوارەی عەرەب لەگەڵ یەكتریدا هەڵمان نەدەكرد و هەموو ڕۆژ كێشەمان بۆ یەكتری دروست دەكرد، بۆیە هاتینە ئیستەنبوڵ و كەمپمان بەجێ هێشت، هەندێك وا دەزانن كە هاتینە ئیستەنبوڵ ژیانمان خۆش بووە، با بزانن ئێمە لە ٦ مانگی یەكەمی هاتنمان بۆ ئیستەنبوڵ تەنیا نان و ئاومان خواردووە، چەندین ڕۆژ لە كۆڵانەكانی ئیستەنبوڵ خه‌وتووین، ئێستا كاتێك خۆمان ڕێكخستووە، دەیانەوێت بۆ ئەو شوێنەی لێی هاتووین، بمانگێڕنەوە و ناشزانین كاتێك دەمانگەڕێننەوە ئەو شوێنە چارەنووسمان چی دەبێت“.

یەكێكی دیكە لە ئاوارەكان كە نایەوێت ناوی ئاشكرا بكرێت، باس لە ژیانی خۆی بۆ (باسنیوز) دەكات و باس له‌وه‌ ده‌كات، هەندێك دەڵێن ئێمە بارگرانین بەسەر دەوڵەتەوە، لە كاتێكدا دەوڵەت هیچ هاوكارییەكی ئێمە ناكات، ئێمە ٩ سەر خێزانین و ژیانمان ناخۆشە، بۆیە ڕۆژانە ٢ كار دەكەم و بژێویی ژیانیان دابین دەكەم، بۆیە ئەگەر بمگێڕنەوە بۆ روحا چونكە لەوێ ناوم وەكو ئاوارە تۆمار كراوە، خانەوادەكەم بە برسیەتی دەمێننەوە“.

یەكێكی دیكە لە ئاوارەكان ئۆپۆزسیۆنی توركیا بە تاوانبار دەزانێت بۆ ئەو رەفتارانەی لەگەڵ ئاوارەكاندا دەكرێت، ئەو نەیویستوە ناوی ئاشكرا بكرێت پێی وایە ئۆپۆزسیۆنی توركیا ڕقی هاووڵاتییانی توركیای دژی ئەوان جووڵاندووە و وا دەزانن ئەكەپە هەموو كات ئاوارە سوورییەكان بۆ بەرژەوەندیی خۆی بەكار دەهێنێت، بەڵام نازانن ئێمە هیچ پەیوەندییەكمان بە سیاسەتەوە نییە و ئێمە بەهۆی شەڕ و پاراستنی گیانمان هاتووین بۆ ئێرە.

بەگوێرەی ئەو زانیارییانەی كۆمەڵەی كۆچ و كۆچبەران بڵاوی كردوونەتەوە، لە توركیا ٣ ملیۆن و ٦١٨ هەزار و ٦٢٤ ئاوارەی سووری هەیە، بەڵام بەشێكی زۆریان لە كەمپەكان ناژین و ڕوویان لە شارە گەورەكانی توركیا كردووە.

 









زۆرترین بینراو


هەواڵی سەرەکی

⋙ پەیام لە نێوان ئێران و ئەمریکا ئاڵوگۆڕ کراوە

⋙ گەیشتووینەتە قۆناغی بەرهەم هێنانی مەکینەی فرۆکە و کۆپتەری پێشکەوتوو

⋙ لەبارەی گۆڕینی تابلۆی ئۆتۆمبێلی شارەكانی ھەرێمی كوردستان بڕیارێكی نوێ دەدرێت

⋙ پیلانێكی توركی-سوری بۆ دەركردنی هێزە كوردییەكان لەناوچەی ئارام لەرۆژئاوای كوردستان

⋙ له‌ سلێمانى دوو باندى دزی ده‌ستگیر كران

ڤیدیۆ هەواڵ
⋙ به‌ڤیدیۆ.. گۆرانیبێژێكی كورد هاوسه‌رگیری كرد

⋙ به‌ڤیدیۆ.. هه‌ڵوێست كلیپێكی نوێ بڵاو ده‌كاته‌وه‌


زۆرترین بینراو