English | عربي



گەشتوگوزاری سلێمانی: بڕی ٤١ ملیۆن بۆ پرۆژەیەکی گوشتوگوزاری تەرخان کراوە

2019/08/11 | 17:12

هەواڵی کوردستان -

 

بەڕێوبەری گوشتوگوزاری سلێمانی ڕای گەیاند، بڕی41 ملیۆن دینار بۆ پڕۆژەی خزمەتگوزاری سەیرانگەی "گۆڵێ" خەرج كراوە و هەوڵی ئەوە دەدەین بۆ ئایندە پڕۆژەی گەورەتر بۆ ئەو سەیرانگە دڵگیرە ئەنجام بدەین.

 

عەلی ڕەئوف، بەڕێوبەری گەشتوگوزاری سلێمانی بە (باسنیوز)ی ڕاگەیاند: "سەیرانگەی گۆڵێ لە دەڤەری پێنجوێن یەكێكە لە سەیرانگە دڵگیرەكانی كوردستان، ئێمە لە قۆناغی یەكەمدا توانیومانە پڕۆژەی خزمەتگوزاری سەرەتایی بۆ ئەو سەیرانگەیە دابنێین بەتایبەتی خزمەتگوزاری دروستكردنی (w.c)، هەروەها دروستكردنی قادرمە بۆ ئەوەی خەڵكی بە ئاسنی بتوانێت لەناو ئەو سەیرانگە دڵگیرەدا هاتوچۆ بكات".

 

گوتیشی: "بڕی41 ملیۆن دینار بۆ پڕۆژەی خزمەتگوزاری سەیرانگەی "گۆڵێ" خەرج كراوە، هەروەها سەیرانگەی گۆڵێ یەكێكە لەو سەیرانگایانەی كە چاومان لەسەریەتی بۆ ئەوەی لە داهاتوودا پڕۆژەی گەورەتری بۆ ئەنجام بدەین".

 

عەلی ڕەئوف، ئەوەشی خستە ڕوو: "چەندین سەیرانگەی جوان و دڵگیر لە سنووری پارێزگای سلێمانی و دەوروبەری هەیە ئەگەر پڕۆژەی خزمەتگوزاری بۆ بكرێت، بێگومان دەبێتە ناوچەیەكی گەشتیاری، بۆیە ئێمە هەوڵەكانی خۆمان چڕ دەكەینەوە بۆ ئەوەی بتوانین پڕۆژەی خزمەتگوزاری بۆ سەیرانگەكان دابین بكەین".

 

سەیرانگەی گۆڵێ دەكەوێتە گوندی گۆڵێ لە ناحیەی گەرمك بە دووری 25 كیلۆمەتر لە ناوەندی قەزای پێنجوێن ( هەڵکەوتوو لە96 كیلۆمەتر باكووری رۆژهەڵاتی سلێمانی)، ئەم سەیرانگەیە تا ئێستا سروشتی خۆی پاراستووە و بەو سروشتە جوانە و دیمەنی چیا و رووەك و ئاوەكەیەوە سەرنجی گەشتیارانی بە لای خۆیدا راكێشاوە.









زۆرترین بینراو


هەواڵی سەرەکی

⋙ وەزیری دارایی عێراق: خەرج کردنی موچەی کارمەندانی ھەرێمی کوردستان لە لایەن بەغداوە بەردەوام دەبێت

⋙ بەرھەم ساڵح: ئێران ڕۆڵگێڕێکی ژیۆپۆلۆتیکی گەورەیە لە ناوچەکەدا

⋙ جەختی وەزیری بەرەڤانیی تورکیا لە سەر پێویستیی ڕەچاوکرانی یاساوڕێسای نێونەتەوەیی لە لایەن یۆنانەوە

⋙ سەرۆک ترامپ لەگەڵ سەرۆکی هەرێمی کوردستان نێچیرڤان بارزانی کۆدەبێتەوە

⋙ سەرۆک کۆماری عێراق گوێی بە هەڕەشەی گروپە شیعیەکان نەدا

ڤیدیۆ هەواڵ
⋙ بەڤیدیۆ: دو كوردی رزگاربوی یەختەكەی یۆنان وردەكاری روداوەكە دەگێڕنەوە

⋙ ڤیدیۆ...لەبەرنامەیەكی راستەوخۆدا وتەبێژی فەرماندەی هێزە چەكدارەكانی توڕە دەبێت و دەكشێتەوە


زۆرترین بینراو