English | عربي



بابه‌كر زێباری: شاندی دانوستانکاری هه‌رێم داوای پشکەکانی کورد لە بەغدا دەکات

2019/07/14 | 15:06

هەواڵی کوردستان -

هەولێر-KDP.info-  سوپاسالاری پێشووی عێراق ئاماژه‌ به‌وه‌ ده‌كات کە جگه‌ له‌ پۆسته‌كانی سوپای عێراق، كورد داوای حه‌قی خۆیشی له‌ پشكه‌كانی وه‌زاره‌تی ناوخۆ و بەرگری دەکات و بۆ ئه‌مه‌ش پێویستی به‌ گفتوگۆی جددی له‌گه‌ڵ به‌غدا هه‌یه‌.

بابه‌كر زێباری، بۆ ماڵپەڕی فه‌رمیی پارتی دیموكراتی كوردستان گوتی: "له ‌به‌غدا زۆر پۆستی وه‌زاره‌تی به‌رگری و ناوخۆ هه‌یه‌ كه‌ پشكی كوردن، له‌وانه‌ ئه‌مینعامی وه‌زاره‌تی ناوخۆ و به‌رگری و سوپاسالار و بریكاره‌كان و فه‌رمانده‌ و فه‌رمانده‌ی هێزه‌كانی به‌رگری و جێگره‌كانی و لیواكان، بۆیه‌ شاندی دانوسانكاری هه‌رێمی كوردستان له‌گه‌ڵ به‌غدا ده‌بێ به‌وردی ئه‌م پۆستانه‌ یه‌كلا بكاته‌وه‌ و گرنگه‌ كورد داوای پۆسته‌كانی بكاته‌وه‌، ئه‌وكاته‌ی من له‌وێ بووم، كورد پشكی‌ ٢٠%ی پۆسته‌كانی سوپای عێراقی بۆ دانرابوو، بۆیه‌ ده‌بێ ئه‌م جاره‌ كورد قسه‌ له‌سه‌ر ئه‌و پشكه‌ بكات و بزانێت چه‌ندی به‌رده‌كه‌وێت".

زێباری گوتیشی: "له ‌شاندی كوردستان بۆ به‌غدا داوای ئه‌و پۆستانه‌ ده‌كرێته‌وه‌، بۆ نموونه‌ كورد ٢٠% و سوننه‌ ٢٥% و شیعه‌ له‌ ٤٥% و پێكهاته‌كانی دیكه‌ش ١٠%ی پۆسته‌كان وه‌رده‌گرن".

زێباری ئه‌وه‌یشی خسته‌ ڕوو: "چه‌ند پۆستێكی دیكه‌ی گرنگ هەن كه‌ پشكی كوردن و به ‌لایه‌نه‌كانی دیكه‌ پڕ كراونه‌ته‌وه‌ به‌ڵام بۆ ئه‌م حكوومه‌ته‌ جیاوازه‌ و سه‌رجه‌م ئه‌و پۆستانانه‌مان ده‌وێته‌وه‌."

کارزان هەورامی

 









زۆرترین بینراو


هەواڵی سەرەکی

⋙ سه‌در بانگه‌شه‌ بۆ شۆڕش ده‌كات

⋙ لەكەمپی كۆنی زانكۆی سلێمانی، خوێندكارانی بەشە ناوخۆیی كچان بەهۆی نەبونی خزمەتگوزارییەوە گردبونەوە

⋙ لەندەن؛ خۆپیشاندان دژى لەشکرکێشى سوپاى تورکیا بۆ سەر رۆژئاڤا بەڕێوەدەچێت

⋙ تورکش ئێرلاین بە سڵاوى سەربازى پشتگیرى سوپاى تورکیا دەکات و بە بایکۆتکردن وەڵامدەدرێتەوە

⋙ ئه‌ندامێكی كۆنگرێسی ئه‌مریكا بۆ ئه‌ردۆغان: شكسته‌كه‌ت له‌هه‌ڵبژاردن له‌پشت هێرشكردنه‌ سه‌ر كورده‌وه‌یه‌

ڤیدیۆ هەواڵ
⋙ ب ڤیدیۆ .. یانا ئافرەتێن دهۆک یا وەرزشی دوبارە هاتە کاراکرن

⋙ ڤیدیۆ..سەربازێکی ئەمریکی: لەو کاتەوەی لە رۆژئاڤا کشاوینەتەوە بەشەوان خەوم لێناکەوێت


زۆرترین بینراو