English | عربي



مەسعوود نووری: رۆژانی دابێ رێگەی گوێڕ- مووسڵ دەكرێتەوە

2019/07/14 | 11:54

هەواڵی کوردستان -

گوێڕ-KDP.info- رێگای گوێڕ- مووسڵ، كە لە رێگەی پردێكی درێژەوە دەست پێدەكات، بڕیارە لە چەند رۆژی داھاتوودا بكرێتەوە، بەڕێوەبەری شارەدێی گوێڕی سەر بە قەزای مەخمووریش ئاشكرای كرد، پردی گوێڕ گەورەترین پردی عێراقە و پارێزگای مووسڵ بە پارێزگاكانی دیكەی عێراقەوە دەبەستێتەوە.

 

مەسعوود نووری، بەڕێوەبەری شارەدێی گوێڕ، بە ماڵپەڕی فەرمیی پارتی دیموكراتی كوردستانی راگەیاند: "لەگەڵ ھێرشی تیرۆریستانی داعشدا، پردی گوێڕ وەك گەورەترین پردی عێراق بەشێكی تەقێندرایەوە و زیانی زۆری بەر كەوت، لە دوای دەستپێكردنی شەڕی داعش و دواتر رووداوەكانی ١٦ی ئۆكتۆبەر، رێگای گوێڕ- مووسڵ گیراوە، بەڵام كەوتووینەتە خۆئامادەكردن بۆ كردنەوەی رێگاكە و بڕیارە لە چەند رۆژی ئایندەدا رێگای گوێڕ- مووسڵ بە ڕووی ھاووڵاتیاندا بكرێتەوە".

 

بەڕێوەبەری شارەدێی گوێڕ دەشڵێت: "پردی گوێڕ، كە پارێزگای مووسڵ بە شارەكانی دیكەی عێراقەوە دەبەستێتەوە، درێژییەكەی ھەزار و ٣٥٠ مەترە و گەورەترین پردە لە عێراق، كە كردنەوەی پردەكە، سوودێكی زۆری ھەیە بۆ دانیشتووانی مووسڵ و ھەموو عێراق، چونكە رێگایەكی بازرگانیی گرینگیشە و بە كردنەوەی ھاتوچۆی نێوان قەزای مەخموور و مووسڵیش دەست پێدەكاتەوە".

 

مەسعوود نووری ئاماژەی بۆ ئەوەش كرد: "لەگەڵ كردنەوەی رێگای گوێڕ- مووسڵ، دەست بە پڕۆسەی نۆژەنكردنەوەی پردی گوێڕ دەكرێت و پێنج ملیار دیناری عێراقی بۆ نۆژەنكردنەوەی پردەكە خەرج كراوە، كە بە ھۆی شەڕی داعشەوە زیانی بەركەتبوو".

 

قائید میرۆ

 









زۆرترین بینراو


هەواڵی سەرەکی

⋙ به‌ڕێوه‌به‌رایه‌تی پۆلیسی راپه‌ڕین رایگه‌یاند سێ برا له‌ قه‌ڵادزێ بەسەختی برینداركران

⋙ گۆڕانكارییەكان مەسرور بارزانی تەنیا سنووری دەسەڵاتی پارتی دەگرێتەوە

⋙ گرووپەکەی بەرهەم ساڵح بە توندی هێرش دەکەنە سەر مەلا بەختیار

⋙ پەرلەمانی کوردستان میدیای ئەلیکترۆنی بە یاسا ڕێک دەخات

⋙ لە سلێمانی پیاوێک ئاڵتوونی ھاوسەرەکەی دەدزێت

ڤیدیۆ هەواڵ
⋙ ڤیدیۆ.. لە پایتەختی سعوودیە بەم شێوەیە جانتای ئافرەتێک دەدزرێت

⋙ ڤیدیۆ.. تایبەتمەندییەكانی مۆبایلی Honor 20ی نوێی هواوی


زۆرترین بینراو