English | عربي



ئیرانێ مووشه‌ك و چه‌كه‌كێ زۆر گه‌هاندیه‌ حه‌شدا شه‌عبى

2019/05/18 | 03:42

هەواڵی کوردستان - ئه‌ڤرۆ نیوز: به‌رپرسه‌كێ عه‌شیره‌تێن عه‌ره‌ب یێن عیراقێ راگه‌هاند، ئه‌مریكا 50 هزار سه‌رباز ل عیراقێ یێن به‌لاڤكرین وئیرانێ ژى مووشه‌كێن بالیستى داینه‌ حه‌شدا شه‌عبى ل عیراقێ.

مزاحم ئه‌حمه‌د حوێت، په‌یڤدارێ عه‌شیره‌تێن عه‌ره‌ب بۆ ئاژانسا (ئه‌نادۆل) یا ده‌نگوباسان گۆت” ئێرانێ چه‌كه‌كێ زۆر گه‌هاندیه‌ حه‌شدا شه‌عبى ل عیراقێ ب مه‌ره‌ما ئارمانجگرتنا هێزێن ئه‌مریكى ل عیراقێ و د نوكه‌ دا ئه‌مریكا زێده‌تر ژ 50 هزار سه‌رباز یێن ل سه‌ربازگه‌هێن عیراقێ جێگیركرین”.

حوێت گۆت ژى” مه‌ پێزانینێن پشت راستكرى یێن هه‌ین كو ل چه‌ندرۆژێن داهاتى دا نێزیكى 100 هزار سه‌رباز وراوێژكارێن دى یێن ئه‌مریكى دێ هێنه‌ هنارتن بۆ عیراقێ وئارمانج ژ كۆمكرن وجێگیركرنا سه‌ربازێن ئه‌مریكى هێرشكرنه‌ ل سه‌ر ئیرانێ”.

گۆت ژى” ئه‌و هێزا ئه‌مریكى ب چه‌ك وكه‌ره‌سته‌كێ سه‌ربازى یێ زۆر ل عیراقێ هاتیه‌ جێگیركرن، هه‌رچه‌نده‌ عیراق وه‌سا خوه‌ نیشان دده‌ت كو دێ یا بێلایه‌ن بیت د ململانێ وشه‌رێ د ناڤبه‌را ئیرانێ وئه‌مریكا دا، به‌لێ عیراق دێ پشكه‌كا مه‌زن بیت د هه‌ڤكێشێن له‌شكرى وسیاسى د ناڤبه‌را ئه‌مریكا وئیرانێ”.

دیاركر” ئیرانێ به‌رهه‌ڤیێن تمام یێن كرین بۆ ب ئارمانجگرتنا هێزێن ئه‌مریكى ل عیراقێ وبۆ ڤێ مه‌ره‌مێ ژى هژماره‌كا مه‌زن ژ مووشه‌كێن بالیستى یێن ئیرانى راده‌ستى حه‌شدا شه‌عبى ل عیراقێ كرینه‌ تاكو بنكه‌ وباره‌گایێن هێزێن ئه‌مریكى ل عیراقێ ببنه‌ ئارمانجێن وان”.

ئاماژه‌كر” گه‌هاندن وبه‌لاڤكرنا مووشه‌كێن بالیستى وجۆرێن چه‌كى ژ ئیرانێ بۆ عیراقێ ب چاڤدێریا قاسم سلێمانى بوو كو نوكه‌ ل عیراقێ یه‌ ومژوولى ئێكخستنا ناڤمالا شیعى وحه‌شدا شه‌عبى یه‌ دژى هه‌بوونا هێزێن ئه‌مریكى ل عیراقێ وبۆ ڤێ مه‌ره‌مێ ژى ئه‌و یێ د كۆمبوونێن به‌رده‌وام دا”.

خویاكر ژى” ئیران دخوازیت چه‌ند بنگه‌ وباره‌گا وكاروانێن هێزێن ئه‌مریكى ل عیراقێ بكه‌ته‌ ئارمانج، ب مه‌ره‌ما كێمكرنا فشار له‌شكرى یێن ئه‌مریكى ل سه‌ر ئیرانێ كو دبیت ببیته‌ ده‌رگه‌هێ شه‌ره‌كێ مه‌زن وخویناوى د ناڤبه‌را وان هه‌ردو وه‌لاتان دا ئه‌ڤێ چه‌ندێ ژى دێ كاریگه‌ریا ئه‌رێنى ل سه‌ر عیراقێ هه‌بیت ودێ ده‌ڤه‌رێن سونه‌نشین زیاندار بن”.









زۆرترین بینراو


هەواڵی سەرەکی

⋙ دەهۆڵی شەڕی ناوخۆ بوەستێنن

⋙ ڕەوشی هەنوكەیی ڕۆژهەڵاتی ناوینخ ئەگەری جەنگێكی نوێ

⋙ خـەبـات‌و تـێـكــۆشـانی ژنـانـی سـودان لـەپـێـنـاو یـەكـسـانـیـدا بـەردەوامـە

⋙ حووسییەکان هێرشێکی زەمینی دەکەنە سەر خاکی سعودیە

⋙ بەوێنە.. ڕۆچوونی رێگای سۆران بۆ سیدەكان چاك دەكرێتەوە

ڤیدیۆ هەواڵ
⋙ ڤیدیۆ.. لە پایتەختی سعوودیە بەم شێوەیە جانتای ئافرەتێک دەدزرێت

⋙ ڤیدیۆ.. تایبەتمەندییەكانی مۆبایلی Honor 20ی نوێی هواوی


زۆرترین بینراو