English | عربي



بەڤیدیۆ؛ داڕمانی پردی بەحرەكە جگە لە راگرتنی هاتوچۆ، گرفت بۆ 40٪ ی دانیشتوان دروستدەكات

2019/05/17 | 16:00

هەواڵی کوردستان - خەندان-بەیانی ئەمڕۆ بەهۆى کۆبونەوەى ئاو لە ژێر پردی بەحركە، داڕمان لە بەشی سەرەوەی پردەكە كە دەكەوێتە شەقامی 120 مەتری هەولێر دروستبو، لە ئێستاشدا جگە لە راگرتنی هاتوچۆ لەو شەقامە، پێشبینی دەكرێت 40٪ی دانیشتوانی هەولێر توشی گرفتی كەمئاوی ببن. پەیامنێری خەندان ڕایگەیاند، بەهۆى شکانى بۆرى ئاوەوە، ئاوێکى زۆر لە تەنیشت پردەکە کۆبوەتەوە و بەو هۆیەشەوە چەندین درز لەسەر پردەکە دروستبوە و مەترسی ڕوخانى لەسەرە.وتیشی، لە ئێستادا تیمەکان دەستیانکردوە بە چاککردنەوەى پردەکە وهاتوچۆى ئۆتۆمبێلیش لەسەر پردەکە ڕاگیراوە كە دەكەوێتە  شەقامى ١٢٠ مەتری هەولێر.

ئاری ئەحمەد، بەڕێوەبەری ئاوی هەولێر بە خەندان-ی راگەیاند"كاتژمێر 9 ی سەرلەبەیانی ئەمڕۆ ئاگاداركراینەوە لە كۆبونەوەی ئاوێكی زۆر لە تەنیشت پردی بەحركە لە شەقامی 120 مەتری هەولێر.وتیشی"دوای گەیشتنی تیمەكانمان، دەركەوت بۆری ئاوەكە شكاوە كە دەكەوێتە ژێر پردەكە و نزیكەی یەك مەترو نیو قوڵە، لە ئێستادا تیمەكانمان سەرقاڵی هەڵدانەوەی گڵەكەن بۆ ئەوەی شوێنی شكانی بۆریەكە بدۆزینەوە و چارەسەری بكەین".

بەڕێوەبەری ئاوی هەولێر، راشیگەیاند، بەهۆی شكانی ئەو بۆرییەوە تا كاتی چاككردنەوەی لە 40٪ ی دانیشتوانی هەولێر توشی گرفتی كەمئاوی دەبن.









زۆرترین بینراو


هەواڵی سەرەکی

⋙ هێرشى پێشمەرگە بۆ سەر داعش و بەردەوامى سوتانى دەغڵ و دانى جوتیاران

⋙ تەقینەوەیەك لە ئەنبار كوژراو و برینداری لێكەوتەوە

⋙ رۆژنامەی شەرقولئەوسەت زانیاری نوێ لەسەر دەستگیركردنی نەجمەدین كەریم بڵاودەكاتەوە

⋙ بەرپرسێكی توركیا: توركیا لە مانگی ئایارەوە كڕینی نەوتی لە ئێران راگرتوە

⋙ ئەندامێکی پێشووی بەعس پۆستێکی پێدەدرێت

ڤیدیۆ هەواڵ
⋙ بەوێنە و ڤیدیۆ..کۆمپانیای فۆرد لە رێگای "رۆبۆتێکی دو قاچ" هەنگاوێکی نوێی لەبواری دلیڤەری راگەیاند

⋙ بەڤیدیۆ... میران عه‌لی گۆرانیەك بۆ هه‌ولێر دەڵێ


زۆرترین بینراو