English | عربي



ئەردۆغان ژمارەیەک سەرکردەی ئیخوان موسلیمین رادەستی میسر دەکاتەوە

2019/03/17 | 14:36

هەواڵی کوردستان -

 

سەرۆک کۆماری تورکیا ژمارەیەک سەرکردەی ئیخوان موسلیمینی میسر رادەستی وڵاتەکەیان دەکاتەوە.

 

مستەفا بەکری، پەرلەمانتار و سەرنووسەری رۆژنامەی (ئەلئسبوع)ی میسری لە هەژماری تایبەتیی خۆی لە تۆڕی کۆمەڵایەتیی (تویتەر) رایگەیاندووە، سەرکردەکانی ئیخوان موسلیمین رۆژێک لە رۆژان دادگایی دەکرێن، ”زوو بێ یان درەنگ“.

 

مستەفا بەکری هەروەها رایگەیاندووە، رەجەب تەییب ئەردۆغانی سەرۆک کۆماری تورکیا لەماوەی ئەمساڵدا 12 ئەندامی دەستگیرکراوی ئیخوان موسلیمین رادەستی میسر دەکاتەوە و دادگایی دەکرێن.

 

ئەو لێدوانەی ئەو پەرلەمانتارە میسرییە دوای ئەوە دێت، کە هەفتەی رابردوو دەستگیرکرانی 12 ئەندامی ئیخوان موسلیمینی میسر لە تورکیا راگەیەندرا و دەنگۆی ئامادەکاری بۆ رادەستکردنەوەیان بە میسر، بڵاو بووەوە.

 

دوای کودەتای عەبدولفەتاح سیسیی وەزیری بەرگریی میسر بەسەر محەمەد مورسیی سەرۆک کۆماری پێشووی میسر، ئیخوان موسلیمین وەک رێکخراوێکی تیرۆریستی ناسێندرا و بەشێکیان رایانکرد بۆ تورکیا، چونکە پارتی داد و گەشەپێدان (ئاکەپە)ی دەسەڵاتداری تورکیا، کە ئەردۆغان سەرۆکایەتی دەکات، پارتێکی سەر بە رەوتی ئیخوان موسلیمینە.

 

عەبدولفەتاح سیسی، کە وەزیری بەرگریی میسر بوو، دوای ئەوەی بە دەسەڵاتی سوپا و بە کودەتایەک محەمەد مورسی، سەرۆک کۆماری میسری لە ساڵی 2013 وەلا نا، دەسەڵاتی میسری بەدەستەوە گرت و رەوتی ئیخوان موسلیمینی خستە لیستی رێکخراوە تیرۆریستییەکان و محەمەد مورسیی سەرۆک کۆماری لەکارلادراوی وڵاتەکەی و ژمارەیەک سەرکردەی ئەو رەوتەشی خستە زیندان.









زۆرترین بینراو


هەواڵی سەرەکی

⋙ کۆچبەرێکی کورد لە تورکیا لەلایەن هاوڕێکەیەوە کوژرا

⋙ تێری هێنری به‌ باشترین یاریزان لە مێژووی خولی ئینگلیزیدا دیاریکرا

⋙ لە کاتێکدا حیزبەکان شەڕی پۆست دەکەن پارتی کوردستان دەباتەوە

⋙ وه‌زاره‌تی ناوخۆ هێز بۆ داخستنی پاڵاوتگه‌ نایاساییه‌كان ده‌جوڵێنێت

⋙ ژینگه‌هێ ژیان دایه‌ كوردان

ڤیدیۆ هەواڵ
⋙ ڤیدیۆیه‌كی نوێی رووداوه‌كه‌ی مووسڵ.. چه‌ند كه‌س سواری به‌له‌مه‌كه‌ ده‌بن

⋙   ب ڤیدیۆ .. نەورۆزێ دەلیڤێن کاری بۆ هژمارەکا گەنجان پەیداکریە


زۆرترین بینراو