English | عربي



راسته‌ مه‌ترسى ل سه‌ر سكرێ دهۆكێ هه‌يه‌؟

2019/03/17 | 13:30

هەواڵی کوردستان - ئه‌ڤرۆ نيوز، نيوار محه‌مه‌د سه‌ليم: رێڤه‌به‌رێ سكرێ دهۆكێ راگه‌هاند كو چو مه‌ترسى ل سه‌ر ئاڤا سكرێ دهۆكێ نينه‌ و به‌رده‌وام دهێته‌ به‌ردان ب گۆره‌ى پلا زێده‌هيا وێ.

ئه‌ندازيار فه‌يصه‌ل نورى، رێڤه‌به‌رێ سكرێ دهۆكێ د داخۆيانيه‌كێ دا بۆ ئه‌ڤرۆ نيوز گۆت: “ئه‌ڤ ساله‌ رێژه‌كا زۆر يا باران بارينێ بارينه‌ و ب ڤێ چه‌ندێ ژى رێژه‌كا زۆر ل سكرێ دهۆكێ ژى باريه‌”.

زێده‌تر گۆت: “باران چه‌ند زێده‌ بباريت چو مه‌ترسى ل سه‌ر سكرێ دهۆكێ نابيت، چونكو ب ره‌نگه‌كێ وه‌سان هاتيه‌ دروست كرن، چه‌ند باران بهێته‌ سه‌ر سكرى، يا زێده‌ هه‌موو ب رێيا كه‌نالێ ڤاڤارتنێ دهێته‌ به‌ردان و دچيته‌ سه‌ر رۆبارێ دهۆكێ”.

ئاشكه‌را ژى كر كو شيانێن هه‌لگرتنا ئاڤێ ل سكرێ دهۆكێ 52 مليۆن مه‌ترێن چارگۆشه‌ نه‌ و ئه‌ڤ ساله‌ 37 مليۆن مه‌ترێن چوارگۆشه‌ چووينه‌ سه‌ر سكرێ دهۆكێ و يا زێده‌ هه‌موو دهێته‌ به‌ردان.

ل دۆر به‌ردانا ئاڤا سكرى بۆ سه‌ر رۆبارى و كارتێكرنا وان جهێن گۆزارى يێن ل وێرێ هاتينه‌ ئاڤاكرن، رێڤه‌به‌رێ سكرێ دهۆكێ گۆت: “پێشتر ب رێيا رۆژناما ئه‌ڤرۆ و ئه‌ڤرۆ نيوز و كه‌نالێن دى ژى يێن راگه‌هاندێ هوشدارى هاتينه‌ دان كو به‌رده‌وام ئه‌و ئاڤ دێ هێته‌ به‌ردان دا كو مه‌ترسى ل سه‌ر سكرێ دهۆكێ نه‌مينيت و ئه‌ندازيارێن مه‌ ب خوه‌ ژى چووينه‌ ده‌ف خودانێن وان جهان و هوشدارى داينێ”.

هه‌تا نها ل سه‌نته‌رێ پارێزگه‌ها دهۆكێ 825ملم بارانێ بارينه‌ كو ئه‌ڤه‌ ژى رێژه‌كا گه‌له‌ك مه‌زن يا بارانێ يه‌ وه‌كو هه‌ڤبه‌ركى ل گه‌ل سالێن بۆرى يێن وه‌رزێ باران بارينێ.









زۆرترین بینراو


هەواڵی سەرەکی

⋙ نامەی بەچەت دوای شەهیدبونی بڵاوکرایەوە

⋙ کۆچبەرێکی کورد لە تورکیا لەلایەن هاوڕێکەیەوە کوژرا

⋙ تێری هێنری به‌ باشترین یاریزان لە مێژووی خولی ئینگلیزیدا دیاریکرا

⋙ لە کاتێکدا حیزبەکان شەڕی پۆست دەکەن پارتی کوردستان دەباتەوە

⋙ وه‌زاره‌تی ناوخۆ هێز بۆ داخستنی پاڵاوتگه‌ نایاساییه‌كان ده‌جوڵێنێت

ڤیدیۆ هەواڵ
⋙ ڤیدیۆیه‌كی نوێی رووداوه‌كه‌ی مووسڵ.. چه‌ند كه‌س سواری به‌له‌مه‌كه‌ ده‌بن

⋙   ب ڤیدیۆ .. نەورۆزێ دەلیڤێن کاری بۆ هژمارەکا گەنجان پەیداکریە


زۆرترین بینراو